1 aTimoti 1:5 - Izere New Testament

⁵ Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

1 aTimoti 1:5 Referans Kwoze

1 aTimoti 1:19

yiir kuno̱o̱k katsak wan ne i sor be riye̱ rizining. Ákak shim ike̱re̱ iyong baꞌ, iyong kuno̱o̱k katsak ba beseng.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

2 aTimoti 2:22

Kam be kushim amaan ike̱re̱ kuri ife ricam ne i ni te rice ni itse̱r kusor kuzhe̱l'e, ne kuno̱o̱k katsak be kushim ne kusor caang, mak be áfikuus áfudang wan á ta yis kaye̱e̱r riyerek Adakunom be riye̱ zhe̱l.

2 aTimoti 1:5

Mi yiring be kuri kuno̱o̱k katsak kufe katsak kuya wan ta be, kuri kufe akaka wan aLoyis ne kufe ango̱ wan, aYunis, mi no̱o̱k katsak ye wan be kuri'me gip.

2 aTimoti 1:3

Mi be riye̱ rikan be Adakunom aya mi tu ku nye itomong be riye̱ rizining kyo̱ndi átukop'i tu ku nye'me. Katuk be kunom mi nye aduwa ne i yiring be wan ye̱r ye̱r.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

1 aBitrus 3:16

sang be riye̱ gak baꞌ. Nye yin anong nong ase̱ áfe a ta fe̱ imaan'e natoon yin kamok kuse yin kutek kaye̱e̱r aKiristi ta fok isum rife̱ ba.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

2 aBitrus 1:7

Ni barang yin ku naka shim natoon kuse kuri kufe Adakunom, ni barang yin kushim koangan natoon ku naka shim.

aRom 10:4

Kamok aKiristi ne a shining ike̱ng iya Itsi ta fe̱ ye a ra nye nong koangan a tin no̱o̱k katsak ni wu ta se gye̱r nasho̱o̱n Adakunom.

aTitus 1:15

Koakye se zhe̱l nufe áner aya a ta sok ye i se ázhe̱l'e. Amma ike̱ng ikak se zhe̱l nufe áya a be katsak ka áya a ta be agak riye̱ baꞌ, kamok kuto̱ro̱ng ba ne aye̱ ba se zhe̱l baꞌ.

1 aTimoti 3:9

Á ra nyeseng be agap natoon kunik kuno̱o̱k katsak a tin tonong yir dim be riye̱ rizining.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

1 aBitrus 4:8

Ike̱ng iya i ta nye igbang'e cice̱r nye, naka shim yin dide̱ng, kamok kushim be̱e̱n kure̱ng rine̱n whe̱re̱.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

Itomong Ámanzo 23:1

Iyong aBulus ti sak anyisi na nusonong áko̱k kasho̱o̱n ame a tá fe̱ be ba ye, “Ároneng, be riye̱ rizining mi n nye koakye ike̱ng Adakunom tin sak ye mi ra nye ma nizen iyuna.”

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

1 aKoranti 13:1

Ko mi fa kyem i fe̱ kanu ni irem ánerawe ze̱r ze̱r ne ife ámaleka, amma sang ke mi ra be kushim baꞌ, i nye ye mi se kyo̱ndi ire̱k ka ibin iya i ta wo̱ng kpe̱de̱ng tsek.

aRom 14:15

Ke ike̱ng iya wan ta ya beseng afudang wan riye̱, to̱, i nye ye wan tu ku tonong kushim baꞌ. Sang tu won naya wan ta ya ta sor iren i tana beseng afudang wan, aya aKiristi ta ku kamok wu baꞌ.

aRom 9:1

Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

Itomong Ámanzo 15:9

Sang Adakunom ti tonong ye yir áner aYahuda se yir ze̱e̱r be ba baꞌ, a sak aye̱ ba te zhe̱l kamok ba ti no̱o̱k katsak.

aMatiyu 12:35

Aner atek fe̱ ike̱re̱ itek, wu tan tusung kaye̱e̱r riye̱ wu ne amaan aner fe̱ ike̱re̱ imaan'e, wu tan tusung kaye̱e̱r riye̱ wu.

aMatiyu 5:8

Áner riye̱ rikan ne á nye aner aya aye̱ ba ta se zhe̱l, kamok ba ne a tà di Adakunom.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

Ibrani 13:18

Nye yin aduwa kamok yir. Kuto̱ro̱ng riye̱ yir se gye̱r, yir shim ta nye yir ike̱ng iya i ta se gye̱r kaye̱e̱r koakye iren.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aRom 12:9

Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

1 aTimoti 1:18

aTimoti, igon'i, mi ta no̱o̱k itabak na be agbang kuto̱ nong ta shining iriri kuzarap a tá nye natoon wan. Kamok ke wan kuus rife̱ na wan ta kyem iko̱n, wan ta ko̱n kuren'e kutek kyo̱ndi asozha aYeso,

1 aYohana 3:10

Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.