1 aTimoti 1:3 - Izere New Testament

³ Kyo̱ndi mi tá tsang i fe̱ be wan nizen iya mi tá se niren kutseng na aMakidoniya ye, wan ri fan kaye̱e̱r kuwo̱p Afisa nong ta te̱ne̱ng áner'ong á ta bo̱so̱p ánerawe abo̱o̱s.

1 aTimoti 1:3 Referans Kwoze

1 aTimoti 6:3

Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ,

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.

1 aTimoti 4:11

Fe̱ ike̱re̱ na be agbang kuto̱ ne i bo̱so̱p ánerawe'me.

1 aTimoti 4:6

Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.

Ike̱ng a ta tonong aYohana 2:20

Amma gip be anong, ike̱ng ikak kuse mi ta be be wan: Wan won abining'ong a tú ku yis ye aZhezebel, aya a tá sok rice wu ye wu nye aner kuzarap. Kubo̱so̱p wu sak ásam'i shaam á ta no̱ ninye rikuna ne á ya naya a ta nye kamok asidaka itsi.

Ike̱ng a ta tonong aYohana 2:14

Amma gip be anong, ike̱re̱ ikak kuse cie̱k mi ta be be wan; Áner akak kuse kaye̱e̱r yin a tá kuus kubo̱so̱p aBalam, kuya a ta bo̱so̱p aBalak'e ta sak áner Isarela tá nye rine̱n, a tá ya naya naya itsi ne á nye rikuna.

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

1 aTimoti 6:10

Kamok kushim itso̱m ne kunye ritin koakye kuri amaan kunye. Áner ákak kamok kushim itso̱m dide̱ng ma á won kuno̱o̱k katsak ba nong á ta te rice ba kaye̱e̱r amaan risam dide̱ng.

1 aTimoti 5:7

Kuno̱o̱k ba itak na be agbang kuto̱ nong fan ánerawe bu fe̱ ye sang á tin sak riye̱ na ákumung áya a ta se dar akak baꞌ.

aFilipi 2:24

Mi no̱o̱k katsak ye, sang i ta sok izen baꞌ, Agwo̱m Ágwo̱m tin karak iren nong tà be̱ be rice mi.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

Itomong Ámanzo 18:19

Á tá fa se no̱ na Afisa ne aBulus won aBiriskila be Akila azong. A se no̱ nutu aduwa nong a tá ya nanan be ba.

Itomong Ámanzo 18:21

Amma nizen iya a tana ku won ba, a fe̱ ye “Mi ta bun i be̱ ke Adakunom shim.” Ne a dorok nong a tá se no̱ nukpara ashi a ta won Afisa'me.

aRom 15:26

Afikuus á ta se na aMakidoniya ne áfe Akaya nye riye̱ rikan nong a ta tusung ike̱re̱ a tana no̱o̱k ázhe̱l'e áfe Adakunom áfe a ta se na aUshalima áya a ta be ike̱ng ikak baꞌ.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

2 aKoranti 11:4

Ke aner akak be̱ nufe yin ye nong a ta ka taas yin itak aYeso akak ze̱e̱r be aYeso aya yir tá ma ka taas yin ka ye yin ta shan kabik kakak ze̱e̱r be kaya yin tan shan yin ka be Rife̱ Ritek rikak ze̱e̱r be riya yir tá ma ka tak yin. Mi di kyo̱ndi yin ta shan yin.

2 aTimoti 1:18

Mi mok ye Agwo̱m Ágwo̱m ta sak Katuk kayong aOnesiforus ta se̱ ritek nufu. Ei, wan ren tseng tseng kuri itomong iya wu tin nye'me na Afisa.