1 aTimoti 1:13 - Izere New Testament

¹³ Mi tsang i nye aner kuzhe̱e̱sh Adakunom gye̱rtatan ne i tabak áfikuus ne i nye awan kuren, gip be anong Adakunom tin tonong kuro̱ riye̱ kamok mi nye kaye̱e̱r kudun kuren sang mi tsang i ni no̱o̱k katsak na aYeso baꞌ.

1 aTimoti 1:13 Referans Kwoze

Itomong Ámanzo 8:3

Amma Ashawulu ya kasho̱o̱n be kutabak áfikuus dide̱ng. A tsang a kar kaye̱e̱r koakye kasa ne a turung atek be ányining ne a ka tes ba nitso̱m.

1 aBitrus 2:10

Gbugbang yin tsang i nye yin ánerawe Adakunom baꞌ, amma kyo̱o̱rna yin nye yin ánerawe Adakunom. Gbugbang yin tsang i se̱ yin kuro̱ riye̱ Adakunom baꞌ, amma kyo̱o̱rna yin n se̱ yin.

Itomong Ámanzo 9:13

Amma Ananiya fe̱ ye, “Agwo̱m Ágwo̱m, ánerawe whe̱re̱ min taas itak aner na be kuri kunyeen a tá nyeen ázhe̱l'e na aUshalima.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

Itomong Ámanzo 3:17

“Ároneng, mi ren yin nye yin anong kaye̱e̱r kudun kuren kyo̱ndi áko̱k kasho̱o̱n yin ta nye.

aLuka 23:34

Ne aYeso fe̱ ye, “Ada, ku re̱ng ba'me, kamok á ren ike̱ng ba ta nye baꞌ.” Ne á kasap ares wu be ku ni barak ica ikiriwhe̱r.

1 aTimoti 1:16

Amma Adakunom ti tonong kuro̱ riye̱ dide̱ng kamok mi tsang i nar rine̱n, aYeso Kiristi tonong kutsesek wu dide̱ng natoon'i nong ku ta sor ike̱ng kumaas nufe áner aya a tanin no̱o̱k katsak ni wu ne á se̱ katser kafe izen izen.

aFilipi 3:6

Natoon kukuus Adakunom dide̱ng, mi tabak áfikuus, natoon ku te zhe̱l be kukuus Itsi aMusa, mi raar azong baꞌ.

aGalati 1:13

Yin n fok yin kuri kuse mi gbugbang, nizen iya mi ta ru kuus itsi áner aYahuda, kuri amaan risam riya mi tá no̱o̱k áfikuus dar kuro̱ riye̱ ma i tse̱r iren nong tá te̱ne̱ng'e.

1 aKoranti 15:9

Mi ti raar kaye̱e̱r ámanzo, mi kyem a tin yis ye amanzo gum baꞌ kamok mi tabak áfikuus dide̱ng.

1 aKoranti 7:25

To̱, natoon nanamang naya na tan nye iwe̱ne̱ng baꞌ, Agwo̱m Ágwo̱m min tonong ike̱ng ikak nong ta ka tak ba baꞌ. Amma mi ta ka no̱o̱k yin ibo̱ro̱ng, kaye̱e̱r ritek riya Agwo̱m Ágwo̱m tin no̱o̱k, ye rife̱ mi ta ka tak yin na nye katsak.

Itomong Ámanzo 22:4

Mi tabak áfe a ta kuus Iren na dide̱ng ma i tu fe̱s ba. Mi yising atek be ányining ne i ku tes ba nitso̱m.

Itomong Ámanzo 9:5

Ashawulu ame fe̱ ye, “Wan nye angan Agwo̱m Ágwo̱m mi e̱?” Iyong kuto̱'me fe̱ ye, “Mi ne i nye aYeso aya wan ta sen ku tabak.”

Itomong Ámanzo 9:1

Ashawulu ya kasho̱o̱n be kutabak áfikuus'e dide̱ng, ma a fe̱ ye wu ta ka fe̱s ba. Ayong a tseng nufe agbang atsi.

aLuka 12:47

“Asam aya a tá ren ike̱ng atekasa wu tá shim, a ra nye kanye̱k, ka a ra nye ike̱ng atekasa wu'me ta shim baꞌ, a tú ku whereng dide̱ng.