1 aTimoti 1:12 - Izere New Testament

¹² Mi be riye̱ rikan be aYeso Kiristi Agwo̱m Ágwo̱m yir, aya a tin no̱o̱k agap. A di ye mi be katsak iyong a ti sak nong ta nye itomong wu.

1 aTimoti 1:12 Referans Kwoze

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

aKolosi 1:25

Adakunom ne a ti kasa nong ta te asam ikilisiya nong ta nye awazi rife̱ Adakunom mumak,

aFilipi 2:11

Ne koakye irem tà fe̱ ye, aYeso Kiristi nye Agwo̱m Ágwo̱m, nong a tà tiyiik Adakunom a ta nye Ada.

2 aKoranti 4:1

Kamok anong, kum yir ta nye yir itomong na kaye̱e̱r kuro̱ riye̱ Adakunom, yir min tun yir riye̱ baꞌ.

1 aKoranti 7:25

To̱, natoon nanamang naya na tan nye iwe̱ne̱ng baꞌ, Agwo̱m Ágwo̱m min tonong ike̱ng ikak nong ta ka tak ba baꞌ. Amma mi ta ka no̱o̱k yin ibo̱ro̱ng, kaye̱e̱r ritek riya Agwo̱m Ágwo̱m tin no̱o̱k, ye rife̱ mi ta ka tak yin na nye katsak.

Itomong Ámanzo 9:22

Amma Ashawulu ti barang kurasak ne akpa agap ne a sak áner aYahuda aya a tase na aDamaskus tá te titak kamok wu tá ya kasho̱o̱n kufe̱ ye aYeso ne a nye aKiristi.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

Itomong Ámanzo 16:15

Nizen iya a tú ku nye abatisma be áfekari wu, yong a fe̱ be yir ye i ra tseng yir kari wu. A fe̱ ye, “Ke yin ti sok yin ye mi min no̱o̱k katsak na Agwo̱m Ágwo̱m, to̱ ne yin tseng yin ta se sor yin kari mi.” A sak ma yir shim yir.

1 aTimoti 1:11

Kubo̱so̱p na se natoon ayiik Rife̱ Ritek Adakunom aya ánerawe tu ku kerek, a tin won'e nubo̱k nong ta no̱o̱k ákak.

1 aKoranti 15:10

Amma kamok ritek Adakunom ne mi n te ana, ritek wu natoon'i se kpe̱de̱ng tsek baꞌ, cie̱k. Mi n nye itomong dide̱ng ne i nar ribir ámanzo cice̱r. Gip be anong, sang mi ne i nye itomong'e be rice mi baꞌ, ritek Adakunom ne ri nye itomong'e kaye̱e̱r'i.

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

1 aKoranti 3:5

Angan ne a nye Apolos nigaan'e e̱? aBulus nye angan kuruk e̱? Yir nye yir ásam Adakunom tsek, áya a ta sak yin tin no̱o̱k yin katsak, kamok Adakunom no̱o̱k koangan itomong a tana kunye'me.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

1 aTimoti 1:2

aTimoti, igon'i kafe katsak ni iren kuno̱o̱k katsak. Ritek be kuro̱ riye̱ ne kameneng riye̱ Adakunom a ta nye Ada yir ne aYeso Kiristi, Agwo̱m Ágwo̱m yir se mak be wan.

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

2 aTimoti 2:2

Cice̱r ike̱re̱ iya wan tá fok nunaan nasho̱o̱n ánerawe whe̱re̱, bo̱so̱p ánerawe áfe a ta be katsak nong ba ta ma kyem a bo̱so̱p ákak'e gip.

aTitus 1:4

Wan, aTitus, igon'i kafe katsak kaye̱e̱r kuno̱o̱k katsak yir ta be yir cice̱r yir. Ritek be kameneng riye̱ Adakunom a ta nye Ada yir be aYeso Kiristi Aner Kashesh yir se mak be wan.

aFilimon 1:9

Amma kamok mi ta ka shim, mi shim ta ka nye akusuk, mi aBulus, mi tá nye asho̱n ne i bun i se nitso̱m kyo̱o̱rna kamok aYeso Kiristi.

aMatiyu 20:4

Ayong a fe̱ be ba ye, ‘Yin gip tseng yin riko̱ mi nong tá sen nye yin itomong, mi tà ka karang yin gye̱r.’ Iyong á tseng ba.