1 aTimoti 1:10 - Izere New Testament

¹⁰ be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.

1 aTimoti 1:10 Referans Kwoze

2 aTimoti 4:3

Kamok izen ta be̱ iya sang ánerawe tana baꞌ, shim kufoos kubo̱so̱p kufe katsak baꞌ. Amma á ta nar kushim kufoos ike̱re̱ iya aye̱ ba tà shim ne kamok kuwhaan ato ba a tse̱r áner kubo̱so̱p nong á tu ku taas ba ike̱re̱ iya ba ta shim á ta foos.

aRom 1:26

Kamok anong, Adakunom tú ku won ba nong á tá kuus ike̱re̱ isum iya aye̱ ba tá shim. Ányining nye rikuna be ányining áfudang ba, anong ne Adakunom nye baꞌ.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

1 aTimoti 6:3

Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ,

aZhud 1:7

Anong ne i se be aSodom ne aGomora ne iwo̱p iya i ta se bubarak be ba, iya i tá te rice ba ninye rikuna ma á kuus ike̱re̱ kuro̱m ife kurisik'e kyo̱ndi ámaleka'me tá nye. Ike̱ng iyong tonong kuri risam riya á tana so̱ kaye̱e̱r kuro̱ng kufe izen izen.

aTitus 1:9

Ako̱k kasho̱o̱n ikilisiya ra nye aner aya a tana yiir rife̱ Adakunom riya a tu ku tak be agap kyo̱ndi a tu ku bo̱so̱p'e nong a tin tsesek ákak be awazi ne kubo̱so̱p kufe katsak, ne a gaar áya a ta raba kubo̱so̱p'e.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aTitus 1:13

Rife̱'ong nye katsak. Kamok anong ku zhe̱e̱r ba be agap, ne kuno̱o̱k katsak ba ta kpa agap,

Ike̱ng a ta tonong aYohana 18:13

Ike̱re̱ ikak ife iko̱o̱n itek ne amuur be aluban be ashi anap ne name nafar, ne ikpe alikama itek. Inyak be itsamang ne itsaap be atso̱m kutseng ba ta ko̱k be ásam ne kutser ánerawe.

1 aTimoti 4:6

Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.