1 aTimoti 1:1 - Izere New Testament

¹ Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

1 aTimoti 1:1 Referans Kwoze

aTitus 1:3

Nizen iya wu ta di i ta se gye̱r, a tana tonong kaye̱e̱r rife̱ wu riya mi ta sen nye awazi'me riya a ti no̱o̱k amana'me kaye̱er rife̱ wu be agbang kuto̱ Adakunom Aner kashesh yir.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aZhud 1:25

Kuyiik nye kufu wu ze̱r, wu aya a ta nye Adakunom Aner Kashesh yir kaye̱e̱r aYeso Kiristi Agwo̱m Ágwo̱m yir. Kuyiik be kukyem ne rigwo̱m be agap nye kufu kum ni ime̱se̱ng'e, be kyo̱o̱rna, be ma izen izen! Anong.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

1 aTimoti 1:12

Mi be riye̱ rikan be aYeso Kiristi Agwo̱m Ágwo̱m yir, aya a tin no̱o̱k agap. A di ye mi be katsak iyong a ti sak nong ta nye itomong wu.

aGalati 1:1

Mi, aBulus, amanzo – aya sang akak ka ánerawe ne a tin yis baꞌ, amma aYeso Kiristi ne Adakunom a ta nye Ada, aya a ta dorok aYeso nure̱k

2 aKoranti 1:1

Mi aBulus, aya Adakunom tin kasa nong ta te amanzo aYeso aKiristi, i ta se yir mak be aronyining yir aTimoti, ne i sen ka zibir yin kufumung na, yin áfikuus Adakunom áya a ta se na aKoranti ne ázhe̱l'e áya ta se niben Akaya cice̱r.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

1 aKoranti 1:1

Mi, aBulus, aya a tin yis nong tà te amanzo aYeso Kiristi, kaye̱e̱r kushim Adakunom, i ta se yir mak be aronyining yir aSatanis ne i ta zibir yin kufumung na.

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

aTitus 3:6

Kabik Kazhe̱l yong ne a ti korok natoon yir ne̱k kamok ike̱ng iya aYeso Kiristi Aner Kashesh yir tá nye.

aTitus 3:4

Amma nizen iya a tin tonong yir ritek ne kushim Adakunom Aner Kashesh yir,

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aTitus 2:10

ka á ta ka nye ba itsang baꞌ. Amma á ra ban á tonong ye ba se gye̱r ne á be katsak kaye̱e̱r koakye, nong ase̱ kaye̱e̱r koakye iren ba tà tonong ye kubo̱so̱p rife̱ Adakunom Aner Kashesh yir se yiik.

1 aTimoti 4:10

Ike̱re̱'ong ne ri sak yir ta nye yir itomong dide̱ng ne i tsesek yir kamok yir ta min te yir riye̱ na Adakunom afe kutser, Aner Kashesh ánerawe cice̱r, abanang áfe a ta min no̱o̱k katsak baꞌ.

1 aTimoti 2:3

Anong se gye̱r, Adakunom a ta nye Aner Kashesh yir fok kusas anong dide̱ng.

aGalati 1:11

Aroneng, mi shim yin tu ren yin ye Rife̱ Ritek mi ta ka taas yin nye awazi anerawe baꞌ.

1 aKoranti 9:17

A fa fe̱ ye mi taas Rife̱ Ritek aYeso kamok kushim riye̱ mi ke a min no̱o̱k ishorong'i. Sang mi nye kaye̱e̱r kushim riye̱ mi baꞌ, mi nye ike̱ng iya Adakunom tin sak ye i ra nye tsek.

aRom 1:1

Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aLuka 1:47

Ne kabik'i nye riye̱ rikan be Adakunom aner kashesh'i.

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.