1 aTasalonika 3:3 - Izere New Testament

³ nong fan ákak yin bu ku bun kama kamok kutabak'e. Yin be rice yin i ren yin gip ye, Adakunom tsang a nye kanye̱k kutabak'e anong.

1 aTasalonika 3:3 Referans Kwoze

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

aRom 5:3

Sang anong tsek baꞌ, yir bun i nye yir riye̱ rikan kaye̱e̱r risam yir kamok yir ren yir ye risam be̱e̱n kutsesek.

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

1 aTasalonika 5:9

Kanye̱k Adakunom se nong amok tin ku ni yir baꞌ, amma nong yir ta se̱ yir kashesh kaye̱e̱r Agwo̱m Ágwo̱m yir.

1 aKoranti 4:9

Mi di ye Adakunom min sak yir ta te yir ámanzo nong a ta nye be yir fe̱re̱, kyo̱ndi áner aya a tà ma ka te̱n ba amok riku. Yir n te yir ike̱ng kuye̱re̱k nasho̱o̱n kazatse na kusum, be nasho̱o̱n ámaleka ne ánerawe gip.

1 aBitrus 2:21

Kamok kuri risam'ong ne Agwo̱m Ágwo̱m tá yis mo yin. aKiristi gip a so̱ risam kamok yin. Be anong ne a tá won mo yin ane̱ wu nong tà kuus yin.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

Afisa 3:13

Kamok anong, mi ta nye yin akusuk ye, sang tu ku bun yin kama kamok yin ta di yin kuri risam mi ta so̱ kamok yin baꞌ. Katsak'e, risam'me ta ka be̱e̱n yin kuyiik.

Itomong Ámanzo 2:25

aDauda fe̱ rife̱ natoon wu ye, “ ‘Mi di Agwo̱m Ágwo̱m nasho̱o̱n mi koakye izen wu se nubo̱k riya mi iyong sak mi tà fok inyim baꞌ.

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

2 aTasalonika 1:4

Kamok anong, yir be rice yir i ti ya yir kuka be yin nasho̱o̱n áfikuus Adakunom kamok kutsesek yin ne kuno̱o̱k katsak yin kaye̱e̱r amaan kutabak ne iriri kubo̱so̱p yin tin tsesek yin kaye̱e̱r'e.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aFilipi 1:28

Sang tu fok yin inyim áya a ta ka tabak yin kaye̱e̱r koakye iren baꞌ, be anong ne ba tà ren ye, ba tà wei, amma yin ta se̱ yin kashesh kamok Adakunom shim i tu se anong.

Itomong Ámanzo 21:11

A tá fa be̱ nufe yir ne a sok kudun aBulus tin rosom kutin wu a tin rosom ibo̱k be atak wu a tá fe̱ ye, “Kabik Kazhe̱l'e fe̱ ye ana ne áner aYahuda a ta se na aUshalima tà rosom atek kudun na, ne á no̱o̱k áner aya a ta nye áner aYahuda baꞌ.”