1 aTasalonika 1:3 - Izere New Testament

³ Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

1 aTasalonika 1:3 Referans Kwoze

1 aKoranti 13:13

To̱, Kyo̱o̱rna, ike̱re̱ itaar na nyeseng, kuno̱o̱k katsak be kute riye̱ ne kushim. Amma, igbang'e kaye̱e̱r ba cice̱r nye kushim.

Ike̱ng a ta tonong aYohana 2:19

Mi ren kunye wan, kushim wan be kuno̱o̱k katsak wan. Mi ren itomong wan be ku naka tsesek wan. Mi ren itomong wan ife akyo̱o̱rna nar ife ime̱se̱ng'e.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

2 aTasalonika 1:11

Kamok anong, ne yir yiir ka nye yin aduwa ye̱r ye̱r ye Adakunom ra sak yin ta sor yin kuri kusor kuya a tá ka yis mo yin. Adakunom ra sak ta nye yin ike̱re̱ itek cice̱r iya yin ta shim yin tà nye yin ne itomong kuno̱o̱k katsak yin nong tà nye yin be agap kukyem wu.

1 aYohana 5:3

Ana ne kushim Adakunom'me se, ke yir nye yir ike̱re̱ wu ta fe̱ ye i ra nye yir. Ike̱re̱ wu ta fe̱ ye i ra nye yir'e, ro̱ kunye baꞌ,

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

1 aTasalonika 3:6

Amma kyo̱o̱rna'me aTimoti tá ne nufe yin, a ti be̱ yir be itak itek natoon kuno̱o̱k katsak yin be kuri kushim yin ta be yin, ye yin ru yiring yin be yir kaye̱e̱r aye̱ yin ye̱r ye̱r ne aye̱ yir ro̱ kyo̱ndi áfe yin ta ro̱ ye, ke yir ka di yin gip.

1 aYohana 3:18

Inoon'i, yin aya mi ta shim, kushim yir tuse ni nanu tsek baꞌ, amma i nye yir ike̱ng iya i tana tonong ye yir naka shim yir be katsak.

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

1 aYohana 3:21

Aro̱, yin aya mi ta shim, ke aye̱ yir ti tonong yir ye yir n nye yir imaan'e baꞌ, to̱, i tu fok yir inyim nasho̱o̱n Adakunom baꞌ.

1 aBitrus 3:4

Won izem yin tu ne kaye̱e̱r aye̱ yin ingya, izem i tana gang baꞌ kyo̱ndi kumees rice ne kuse tatan, iyong ne i nye iyiik'e dide̱ng nasho̱o̱n Adakunom.

Ibrani 11:17

Natoon kuno̱o̱k katsak ne Ibrahim ti no̱o̱k Ishaku a tá sor asidaka nizen Adakunom tú ku bo̱mo̱ng. Wu afe a tá shan ike̱ng iya Adakunom tá tsang a fe̱ be wu ye a tú ku nye'me, a bun a sen sok asuze̱r igon wu'me a tin nye asidaka.

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

1 aTimoti 2:3

Anong se gye̱r, Adakunom a ta nye Aner Kashesh yir fok kusas anong dide̱ng.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

aRom 16:6

Ku nye shou yin aMarya, aya a tin furku natoon yin dide̱ng.

aRom 15:4

Koakye ike̱ng iya a tá zibir gbugbang, a zibir nong a tin bo̱so̱p yir'e, nong ase̱ rife̱ Adakunom tin bo̱so̱p yir kutsesek nong ta se̱ yir ike̱ng tanin te yir riye̱.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

Ibrani 4:11

Won i tu nye yir koakye ike̱ng i tana kyem i nye yir nong ta no̱ yir kaye̱e̱r kufan'ong, fan akak bu kuus kuse ba, a tà kpa, á ta won dar á fok kuto.

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

aYohana 15:10

Ke yin kuus yin Itsi mi, yin tà sor yin kaye̱e̱r kushim'i, kyo̱ndi mi tá kuus Itsi Ada mi ne i sor kaye̱e̱r kushim wu.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.