1 aBitrus 4:4 - Izere New Testament

⁴ Ike̱ng'e tá no̱o̱k ba azhing, ba ta di sang yin tá ba gung yin rice be ba nong ta nye yin akpe̱rde̱k kunye'ong be ba baꞌ. Iyong á ma ka barak yin ritok makong.

1 aBitrus 4:4 Referans Kwoze

1 aBitrus 3:16

sang be riye̱ gak baꞌ. Nye yin anong nong ase̱ áfe a ta fe̱ imaan'e natoon yin kamok kuse yin kutek kaye̱e̱r aKiristi ta fok isum rife̱ ba.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

Itomong Ámanzo 18:6

Amma nizen iya áner aYahuda tá gaar rife̱ aBulus ma á kpaan ku kukas. Kamok anong aBulus waar ares wu, a tá fe̱ be ba ye, “Rine̱n yin se rice yin. Mi be rine̱n akak rice mi ba'. Igang'e be katuur mi ba sen tseng nufe áya a ta nye áner aYahuda baꞌ.”

aZhud 1:10

Amma áner na fe̱ imaan'e natoon ike̱ng iya ba ta ren igak'e baꞌ. Ba ren ike̱re̱ na kamok ba ta kuus ike̱re̱ iya aye̱ ba tá ka no̱o̱k ba tsek, kyo̱ndi ikewum dar kuto̱ro̱ng. Kuse kuri kuyong tú ku fe̱s ba.

Itomong Ámanzo 13:45

Amma áner aYahuda tá fa di rigwo̱m ánerawe ta nyim, yong a kpaan rishishim dide̱ng ne á fe̱ rimaan'e natoon ike̱ng iya aBulus ta sen fe̱'me.

2 aBitrus 2:22

Ike̱re̱ ba tá nye'ong se kyo̱ndi kare̱e̱r rife̱ a ta fe̱ ye, “Agabu kos ne a bun a re̱s rikos wu.” Kare̱e̱r rife̱'me kakak bun ka fe̱ ye, “A so álade ne a bun a kubun a ta se biring kaye̱e̱r ame̱re̱sh.”

2 aBitrus 2:12

Amma áner na fe̱ rimaan'e natoon ike̱ng iya sang ba ta se̱ rikpa'me baꞌ. Á se kyo̱ndi amaan ikewum iya i ta kuus ike̱ng iya riye̱ ba tu ku no̱o̱k ba tsek. A tú tes ba kyo̱ndi amaan ikewum nong a ta yising ne a fe̱s tse̱k, á tà kus kyo̱ndi ikewum'e.

aRom 13:13

Won i tu sor yir kusor kutek kuya ku tana tonong ye yir nye yir aya a ta se kaye̱e̱r akanang, sang ku so̱ iriri ike̱re̱ ne a feng baꞌ, ne a gung rice nong á ta nye ike̱re̱ isum ka ku nye kukpe̱de̱ng'e ne rikuna baꞌ. I tu ko̱ro̱ng yin ka tin no̱ yin kaye̱e̱r rishishim baꞌ.

aLuka 15:13

“Nama inom cie̱k, igon kawusong'e tusung ike̱re̱ wu cei, nong a tá be niben ikak tsik, azong ne a se fe̱r be itso̱m wu ame kpe̱de̱ng.

Afisa 5:18

Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

aMatiyu 23:25

“Awo̱ be yin áner i ta bo̱so̱p ánerawe'me Itsi ne áner aFarisi, yin ákardak áner, yin kusu yin ares kuya naya ne kufe kuso̱ ashi nama'me tsek, amma kaye̱e̱r'e nye ike̱re̱ rigup be kushim rice kuse.