1 aBitrus 4:3 - Izere New Testament

³ Gbugbang, yin mak tsang i beseng yin izen dide̱ng ninye ike̱re̱ iya áfurin tá nye, ike̱re̱ kyo̱ndi kunye kpe̱de̱ng be kubi ne kufeng be kugbe̱re̱ ne kunye kyo̱ndi ágabu ne kukuus ike̱re̱ itsi.

1 aBitrus 4:3 Referans Kwoze

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

Afisa 5:18

Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

1 aTasalonika 4:5

Sang be rinyisi rikan baꞌ, kyo̱ndi áfe a ta se nurin áfe sang á ta ren Adakunom baꞌ.

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

aGalati 5:21

be rishishim ne kufeng ne a na ka yis naro̱ kazining nong a ta ya ne a so̱ ne a nye kyo̱ndi agabu ne a nye ike̱re̱ ikak kyo̱ndi anong. Mi ta ko̱ro̱k yin kuto kyo̱ndi mi tà tsang i fe̱ ye áfe a ta nye ike̱re̱ kuri iyuna ta no̱ kaye̱e̱r rigwo̱m Adakunom baꞌ.

aGalati 5:19

Kuse rinerawe se de̱s, kunye ike̱re̱ kyo̱ndi: rikuna be amaan kuse, ne kunye kyo̱ndi agabu,

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

2 aKoranti 12:21

Mi fok inyim ye ke mi bun i be̱ nufe yin, Adakunom mi tin sak ta fok isum nasho̱o̱n yin. Mi ta nye riye̱ riwe kamok whe̱re̱ kaye̱e̱r áya a tá nye rine̱n, amma an tan shishing kuse ba baꞌ, rine̱n kunye rikuna, ne kuwun kuya ba ta nye dide̱ng.

1 aKoranti 12:2

Yin ren yin nizen iya yin tá nye yin áfurin, a tá wo̱ro̱k yin nong i ta kuus yin ike̱re̱ itsi iya i ta be kutser baꞌ.

aRom 13:13

Won i tu sor yir kusor kutek kuya ku tana tonong ye yir nye yir aya a ta se kaye̱e̱r akanang, sang ku so̱ iriri ike̱re̱ ne a feng baꞌ, ne a gung rice nong á ta nye ike̱re̱ isum ka ku nye kukpe̱de̱ng'e ne rikuna baꞌ. I tu ko̱ro̱ng yin ka tin no̱ yin kaye̱e̱r rishishim baꞌ.

aMarkus 7:22

ne kuye̱re̱k, be anyas ne kuwo̱ro̱k anerawe, ne rinyisi rikan, ne rishishim, be naborok, ne kuka be rifunam.