1 aBitrus 4:2 - Izere New Testament

² Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

1 aBitrus 4:2 Referans Kwoze

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

Afisa 6:6

Sang tu nye yin nong ta ka kare̱p yin ba aye̱ ka kamok ba ta ka ye̱re̱k yin tsek baꞌ, amma kyo̱ndi ásam aKiristi ne i nye yin ike̱ng iya Adakunom ta shim be riye̱ rizining.

aRom 6:11

Anong ne yin gip, sok yin rice yin ye rine̱n n ku kaye̱e̱r yin, amma ne i sor yin kamok kuyiik Adakunom kaye̱e̱r aYeso aKiristi.

2 aKoranti 5:15

A ku kamok ánerawe cice̱r, nong áya a ta sor be kutser ta baꞌ, sor kusor rice ba baꞌ, amma á ta sor kusor kuya ku tana kare̱p riye̱ aner a tá ku a tá bun a dorok kamok ba.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

aRom 6:2

Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

Afisa 4:17

Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.

aRom 14:7

Kaye̱e̱r yir, akak sor kamok rice wu baꞌ. Sang akak yir ku kamok rice wu baꞌ.

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

aMarkus 7:21

Kamok Kaye̱e̱r riye̱ anerawe ne amaan kuto̱ro̱ng nes; kyo̱ndi kunye kye̱re̱ ne itsang be kufe̱s anerawe be rikuna,

aMarkus 3:35

Koangan afe a ta nye ike̱ng iya Adakunom ta shim, nye ango̱ mi ne áronyining'i ne ángasnyining'i.”

1 aYohana 2:17

Kazatse na, be amaan kushim ike̱re̱ i ta se kaye̱e̱r kazatse'me ta gang, amma aner aya a ta nye ike̱re̱ Adakunom ta shim a tà sor ma izen izen.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

1 aTasalonika 5:18

Koakye kuri ike̱ng ne i ta se̱ yin, tonong yin riye̱ rikan be Adakunom kamok iyong ne i nye kushim wu be yin áya a ta se kaye̱e̱r aYeso Kiristi.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

Afisa 5:17

Kamok anong tu te yin áfunam'e baꞌ, amma ren yin ike̱ng iya i ta nye riye̱ Agwo̱m Ágwo̱m.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aRom 7:4

Kamok anong ároneng, yin gip yin te yin kyo̱ndi yin kus yin nitak kukuus Itsi, kamok riku aYeso sak yin wher yin nitak Itsi, nong yin ta te yin afe akak ze̱e̱r, wu aya a tú ku dorok nure̱k, nong ase̱ yin tà nye yin itomong itek kamok Adakunom.

aYohana 1:13

Sang inoon naya a tá tes kuri rife rinerawe baꞌ, ka kaye̱e̱r kushim kuro̱m tsek baꞌ, ka nushim aner tsek baꞌ, amma Adakunom be rice wu ne a nye Ada ba.

aMatiyu 21:31

“To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

aKolosi 3:3

Kamok yin tsang i kus yin, kutser yin se nune̱re̱ng nufe aKiristi kaye̱e̱r Adakunom.

aMatiyu 20:4

Ayong a fe̱ be ba ye, ‘Yin gip tseng yin riko̱ mi nong tá sen nye yin itomong, mi tà ka karang yin gye̱r.’ Iyong á tseng ba.