1 aBitrus 4:1 - Izere New Testament

¹ Kamok anong, kum aKiristi tá so̱ risam nuro̱m, to̱, yin gip nye yin kanye̱k kuso̱ risam kamok koangan aya ne a so̱ risam nuro̱m tonong ye wu n gang be rine̱n baꞌ.

1 aBitrus 4:1 Referans Kwoze

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aRom 6:11

Anong ne yin gip, sok yin rice yin ye rine̱n n ku kaye̱e̱r yin, amma ne i sor yin kamok kuyiik Adakunom kaye̱e̱r aYeso aKiristi.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

aRom 6:7

Kamok ke anerawe ku a kam be agap rine̱n'ong.

Afisa 6:13

Kamok anong, te yin ares itsom kuri áfe Adakunom cei nong ase̱ ta kyem i nyeseng yin katuk amaan kunom'ong, nong ke yin gang yin koakye ne a ka se̱ yin nunyeseng kpa.

aFilipi 2:5

Kuse yin tu se kyo̱ndi kufe aYeso Kiristi.

aRom 6:2

Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

Ibrani 12:3

Ye̱re̱k yin tá di yin kuri risam riya a tá so̱ nubo̱k ánerawe a ta nye áfe rine̱n fan a ba ka te yin gbe̱re̱k ne yin ni tun yin riye̱.

Ibrani 4:10

Kamok aner aya a ta no̱ kaye̱e̱r kufan Adakunom, a ta fan ni itomong'e ifu gip kyo̱ndi Adakunom tá nye.

1 aBitrus 2:21

Kamok kuri risam'ong ne Agwo̱m Ágwo̱m tá yis mo yin. aKiristi gip a so̱ risam kamok yin. Be anong ne a tá won mo yin ane̱ wu nong tà kuus yin.

aMarkus 3:3

Ayong aYeso fe̱ be aner kubo̱k'e tá we̱ ame ye, “Dorok tá nyeseng nasho̱o̱n ánerawe.”