1 aBitrus 3:1 - Izere New Testament

¹ Yin ányining iwe̱ne̱ng, yin gip, kuus yin ike̱ng iya átek yin ta fe̱ be yin, nong ke ákak ba kuse áya sang á tá min no̱o̱k katsak rife̱ Adakunom baꞌ, kashim kuse ányining ba tà sak á tin no̱o̱k katsak sang ma akak fe̱ ike̱ng ikak be ba baꞌ.

1 aBitrus 3:1 Referans Kwoze

aKolosi 3:18

Yin ányining iwe̱ne̱ng kuus yin ike̱ng iya atek yin ta fe̱ be yin, i se gye̱r ta nye yin anong kamok yin nye yin áfikuus.

Afisa 5:33

Gip be anong, koangan kaye̱e̱r yin gip a ra shim abining wu dim kyo̱ndi a ta shim rice wu ne abining'e ma ti yiik amitek wu.

1 aKoranti 11:3

Mi shim yin tu ren yin ye aner amitek ne a nye atekasa natoon abining wu, aKiristi ne a nye atekasa natoon aner amitek, Adakunom ne a nye atekasa natoon aKiristi.

1 aKoranti 7:16

Anyiningkasa, wan ren ka wan ta shesh atekasa wan e̱? Ka wan atekasa, wan ren ka wan ta shesh abining wan e̱?

1 aBitrus 3:7

Yin átek gip, ren yin kuri kusor kuya yin tana sor yin be ányining yin. Ba be agap kyo̱ndi yin baꞌ. Ku tiyiik yin ba kamok yin be ba cice̱r, yin shan yin ayiik kutser Adakunom nawarak mak. Nye yin anong fan ike̱ng ikak bu te̱ne̱ng aduwa yin.

aRom 7:2

Ye̱re̱k yin ta di yin abining kuwe̱ne̱ng, Itsi kuwe̱ne̱ng se natoon wu ke amitek wu ru nye atser, amma ke amitek'e ku, to̱, kuwe̱ne̱ng ku se rice wu baꞌ.

1 aKoranti 14:34

ányining ra sor gbik naro̱ kuya Adakunom iben. Kamok a tu no̱o̱k ba iren kufe̱ kanu baꞌ, a ra kuus ike̱ng iya a ta sen nye'me kyo̱ndi Itsi ta fe̱.

aMatiyu 18:15

“Ke aronyining wan ta ka nye rine̱n, ne wan tseng nufu awan yin afa nong ta su ku tak rine̱n wu. Ke a fok rife̱ wan, i nye ye, wan tu bun be aronyining wan niren.

aKolosi 4:5

Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

Ibrani 11:8

Natoon kuno̱o̱k katsak ne Ibrahim ti fok kuto̱ Adakunom a tá tseng naro̱ kaya wu tá ren baꞌ, nizen iya a tá fe̱ be wu ye a ra tseng naro̱ ka tana te kafu nasho̱o̱n.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

1 aBitrus 4:17

Izen n nye a tana san kuto̱ ánerawe amok, a ta san'e be áfikuus Adakunom. To̱, ke a san'e be yir, i ta se ane̱ be áya a ta raba kukuus Rife̱ Ritek Adakunom e̱?

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

aRom 10:16

Amma sang aner Isarela cice̱r ne a shan Rife̱ Ritek'e baꞌ. Kyo̱ndi Ishaya ta fe̱ ye, “Agwo̱m Ágwo̱m, angan ti no̱o̱k katsak rife̱ yir e̱?”

1 aBitrus 3:2

Á tà di kuse zhe̱l yin be kufok ato yin ne á shishing.