1 aBitrus 2:2 - Izere New Testament

² Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

1 aBitrus 2:2 Referans Kwoze

Afisa 4:15

I ban i fe̱ yir katsak kaye̱e̱r kushim ne i rasak yir cei kaye̱e̱r koakye kuri ike̱ng kaye̱e̱r wu, aKiristi aya a ta se kyo̱ndi rice nuro̱m anerawe.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

aMarkus 10:15

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a ta kyem a no̱ kaye̱e̱r rigwo̱m Adakunom baꞌ.”

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

Afisa 2:21

Natoon wu ne a ti sok rino̱k cice̱r nong ku ta te agbang kutu kuya Adakunom iben kamok Agwo̱m Ágwo̱m.

aRom 6:4

Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.

1 aBitrus 1:23

Kamok a bun a ma ka tes yin sang be ike̱ng iya i tana beseng ba, amma a ta ka tes yin be rife̱ Adakunom, rife kutser rife izen izen.

aMatiyu 19:14

aYeso fe̱ ye, “Won yin inoon nazhizhe̱k'e tu be̱s nunaan; sang yin tú ku roon yin ba'me baꞌ, kamok rigwo̱m kaza nye rife̱ iri ba.”

aLuka 18:17

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a tà kyem a no̱ kaye̱e̱r rigwo̱m Adakunom baꞌ.”