1 aBitrus 1:8 - Izere New Testament

⁸ Yin kun ku di yin baꞌ, gye̱rtatan amma yin tu shim yin. Yin tu ye̱re̱k yin kyo̱o̱rna baꞌ, gye̱rtatan amma yin ti no̱o̱k yin katsak ni wu ne i be yin agbang riye̱ rikan kuri riya sang a tana kyem a fe̱ baꞌ.

1 aBitrus 1:8 Referans Kwoze

aYohana 20:29

Ne aYeso fe̱ be wu ye, “Kamok wan tin di ne wan ti no̱o̱k katsak. Aner riye̱ rikan ne a nye aner aya a tin di baꞌ, amma ne a ni no̱o̱k katsak.”

2 aKoranti 5:7

Kusor yir ta sor yir nye kusor kuno̱o̱k katsak sang kamok ike̱re̱ yir ta ye̱re̱k yir baꞌ.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

Ibrani 11:1

Kuno̱o̱k katsak nye ku ni te riye̱ dim ye yir ta se̱ yir ike̱ng iya yir ta min te yir riye̱ dim, iya sang yir ta di yir baꞌ.

aYohana 16:22

Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

1 aBitrus 1:6

Kamok anong, nye yin riye̱ rikan dide̱ng, katsak yin se yin kaye̱e̱r riye̱ riwe kyo̱o̱rna gye̱rtatan kamok iriri kubo̱mo̱ng kuya ku ta ka se̱s yin.

Ibrani 11:27

Natoon kuno̱o̱k katsak ne a ti dorok na aMasar dar inyim riye̱ kubeseng agwo̱m. A tsesek kamok a ye̱re̱k aya sang anyisi tu kudi baꞌ.

1 aBitrus 2:7

Kyo̱o̱rna yin áya i tin no̱o̱k yin katsak, kuta na be kuyiik nufe yin. Amma áya a ta gaar ku nino̱o̱k katsak, i tù ku sor ba kyo̱ndi a tá fe̱ ye, “Kuta kuya áfe rino̱k tá raba, n te ayiik kuta ribor.”

aFilipi 4:4

Nye yin riye̱ rikan kaye̱e̱r Agwo̱m Ágwo̱m koakye izen. Mi bun i fe̱ be yin gbak, ye i ra nye yin riye̱ rikan.

1 aBitrus 5:4

Nong ase̱ izen iya aKiristi aya a ta nye Agbang Afek ánerawe tana be̱, a ta ka no̱o̱k yin ribong rigwo̱m rife̱ kuyiik riya sang ri tana te rish baꞌ.

Afisa 6:24

Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.

aFilipi 1:25

Kum mi ta ren i se anong, mi ren mi tà sor mak be yin nong yin ta ya yin kasho̱o̱n be riye̱ rikan kaye̱e̱r kuno̱o̱k katsak yin,

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aYohana 14:24

Aner aya a tin shim baꞌ, a tà kuus ike̱ng iya mi tá bo̱so̱p baꞌ. Rife̱ yin ta fok yin na nye rinaan baꞌ, rinye rife̱ Ada aya a tin tom.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

2 aKoranti 12:4

a tu ku sok a tá tseng'e kaye̱e̱r aParadis. Azong a foos ike̱re̱ a tana kyem a fe̱ baꞌ, kuri iya sang anerawe tana kyem a fe̱ itak'e baꞌ.

2 aKoranti 9:15

Yir be yir riye̱ rikan be Adakunom kamok kuno̱o̱k'ong, yir ta kyem i fe̱ yir ike̱ng ikak baꞌ.

2 aKoranti 1:22

a min tse̱k yir izizo̱ wu, ne a bun a ti no̱o̱k yir kabik wu kaye̱e̱r aye̱ yir ye nong yir ta te yir afu, nong tin no̱o̱k yir katsak natoon ike̱ng i tana be̱.

Itomong Ámanzo 16:34

Afek kutu itso̱m ame tseng be aBulus ne aSila kari wu a ta se ku no̱o̱k ba naya. A nye riye̱ rikan dide̱ng mak be áfekari wu kamok ba cice̱r ti no̱o̱k katsak na Adakunom.

aYohana 14:21

Koangan afe a tá fok rife̱ mi ne a kuus, wu ne a tin shim. Aner aya a tin shim, Ada mi tu ku shim, mi gip mi tù ku shim ne i tonong rice mi nufu.”

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

aMatiyu 10:37

“Aner a ta shim atek ka anyining wu ayi ne a ni nar, ta kyem a ta te anaan baꞌ. Aner a ta shim igon ka angas wu ayi ne a ni nar ta kyem a ta te anaan baꞌ.

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.