1 aBitrus 1:4 - Izere New Testament

⁴ Be anong ne yir ti te yir riye̱ nong ta ya yir kutse kuya sang ku tana gang ka ku ta beseng ka ku tà te rish baꞌ, amma kuya a ta ka sak yin'e kaye̱e̱r kaza.

1 aBitrus 1:4 Referans Kwoze

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

1 aBitrus 5:4

Nong ase̱ izen iya aKiristi aya a ta nye Agbang Afek ánerawe tana be̱, a ta ka no̱o̱k yin ribong rigwo̱m rife̱ kuyiik riya sang ri tana te rish baꞌ.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

Afisa 1:14

Kabik Kazhe̱l'e ne ka ti tonong yir ye Adakunom tin no̱o̱k yir ike̱ng iya a tá tsang a no̱o̱k kuto̱ ye wu tà no̱o̱k, ma nizen iya Adakunom tana sheshek afu. Iyuna se anong, nong anerawe ta kerek kuyiik wu.

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

aYakub 1:11

Kunom tar ne ku joosh ne ku sak naya koor, ne ato'me kpas ne kusas'e gang. Anong ne arum ta kpa nizen ife a ta tsang a tseng ne a tse̱r kutser wu.

aKolosi 1:12

ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.

aGalati 3:18

Ke i nye ye a kyem a se̱ kutser nikuus Itsi, to̱ i nye ye wan kyem i se̱ kamok kuno̱o̱k kuto̱ Adakunom tá nye baꞌ, amma Adakunom kaye̱e̱r ritek wu ne a no̱o̱k Ibrahim kamok wu ne a no̱o̱k kuto̱'me.

1 aKoranti 9:25

Koangan a ta be nuyo̱ro̱k bo̱so̱p kuyo̱ro̱k'e dide̱ng nizham, ba nye anong nong a ta se̱ ishorong iya i tana bun i beseng, ishorong yir nye iya i tana sor ma izen izen.

1 aBitrus 3:9

Sang tu ku karang yin imaan'e be rimaan'e baꞌ, ka ritok be ritok baꞌ. Amma ku karang yin be ritek kamok anong ne a tá ka yis mo yin nong yin tà ya yin kutse ritek Adakunom.

aMarkus 10:17

aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”

aKolosi 3:24

Kum yin ta ren yin ye Agwo̱m Ágwo̱m ta ka karang yin ishorong yin be kutse yin tana ya yin. Kamok aKiristi Agwo̱m Ágwo̱m ne yin sen ku nye yin itomong.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.