1 aBitrus 1:3 - Izere New Testament

³ Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

1 aBitrus 1:3 Referans Kwoze

1 aBitrus 1:23

Kamok a bun a ma ka tes yin sang be ike̱ng iya i tana beseng ba, amma a ta ka tes yin be rife̱ Adakunom, rife kutser rife izen izen.

1 aYohana 5:4

kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

2 aKoranti 1:3

Nakerek nye nafe Adakunom, wu ne a ta nye Ada Agwo̱m Ágwo̱m yir aYeso Kiristi, ne Ada aya a ta be kuro̱ riye̱ dide̱ng, ne a nye Adakunom aya a ta tsesek ánerawe cice̱r.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

Afisa 3:20

Kuyiik nye kufe wu aya a ta kyem a nye koakye be ike̱re̱ iya yir tana ku rip yir ne iya yir tanin nye yir kuto̱ro̱ng.

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.

Afisa 2:4

Amma Adakunom be kuro̱ riye̱ dide̱ng, kushim wu natoon yir se makiyi,

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

1 aKoranti 15:20

Amma katsak'e, a dorok aKiristi nure̱k wu ne a nye afe ime̱se̱ng'e kaye̱e̱r áya a tá dorok nure̱k.

1 aKoranti 13:13

To̱, Kyo̱o̱rna, ike̱re̱ itaar na nyeseng, kuno̱o̱k katsak be kute riye̱ ne kushim. Amma, igbang'e kaye̱e̱r ba cice̱r nye kushim.

1 aYohana 3:9

Akak kuse a ta nye igon Adakunom ne a bun a yiir nye rine̱n baꞌ, kamok kuse Adakunom kuse kaye̱e̱r wu. A ta bun a ya kasho̱o̱n be rine̱n baꞌ, kamok a nye igon Adakunom.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aRom 8:24

Kamok kuni te riye̱'ong ne a ti shesh yir, amma ke yir n di yir ike̱ng yir ta min te yir riye̱'me, to̱, iyong ba nye ku ni te riye̱ baba baꞌ. Angan ti te riye̱ nike̱ng iya wu tan se̱ e̱?

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aYohana 1:13

Sang inoon naya a tá tes kuri rife rinerawe baꞌ, ka kaye̱e̱r kushim kuro̱m tsek baꞌ, ka nushim aner tsek baꞌ, amma Adakunom be rice wu ne a nye Ada ba.

1 aYohana 5:18

Yir ren yir ye koangan afe a ta nye igon Adakunom ta ya kasho̱o̱n be kunye rine̱n baꞌ, kamok aYeso aya a ta nye Igon Adakunom tà fek aner'e. Ishetan ta kyem a ku nye ike̱ng ikak baꞌ.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aRom 5:10

To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

aRom 4:25

Kamok rine̱n yir ne a sok aYeso a no̱o̱k nong a tá ku, a tu ku dorok be kutser nong a tin sak yir ta te yir gye̱r nasho̱o̱n wu.

1 aYohana 4:7

Aro̱, yin aya mi ta shim, won i tu naka shim yir, kamok kushim ne nufe Adakunom. Koangan afe a ta shim ánerawe nye igon Adakunom ne a ren Adakunom.

1 aTasalonika 4:13

Amma kikyo̱o̱r name ároneng, yir shim yin tu sor yin dar kuren natoon áya a tá mereng ida kaye̱e̱r aYeso baꞌ, nong yin ta nye yin riye̱ riwe kyo̱ndi ribir ánerawe áya sang á ta be ike̱ng iya ba ta min te riye̱ baꞌ.

aGalati 6:16

Won kusor kutek be kuro̱ riye̱ Adakunom tu se be afe a ta kuus iren na, ba ne a nye aner Isarela afe Adakunom áfe katsak.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

1 aBitrus 1:13

Kamok anong, nye yin kanye̱k kaye̱e̱r aye̱ yin kamok itomong: yiir yin rice yin, ne i ni te yin riye̱ dide̱ng natoon ritek riya a tana ka no̱o̱k yin katuk kaya a tana tonong aYeso Kiristi.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

1 aBitrus 3:5

Kamok ányining áya a tá nye ázhe̱l'e agbugbang ne á ni te riye̱ na Adakunom tsang á nye izem ba anong gip. Á kuus ike̱ng iya átek ba tá fe̱ be ba.

1 aBitrus 3:15

Amma won yin aKiristi tu te Agwo̱m Ágwo̱m kaye̱e̱r aye̱ yin. Koakye izen sor yin be kanye̱k nong ta kyem i tak yin koangan ike̱ng i ta sak yin tin te yin riye̱ nikuus aKiristi. Amma nye yin kaye̱e̱r awhiwhe̱ ne ku yiik,