Tafite 8:12 - Blaan Sarangani

¹² Na kafnge én, nyuf i gfat kasaligan i kenen twang. Na kagyufan dun nun tadè di duh, bulen, na dad blatik. Taman magwà i knengla. Magwà i gatlu alel kneng i duh na bulen, na magwè i kneng di gatlu alel di kdee blatik. Mdà én nun fat uras di sduh là mneng, na nun fat uras di butang landè mneng.

Tafite 8:12 Referans Kwoze

Tafite 6:12

Na kafnge én, lanket i Tingà Bilibili i gnam fadkat. Na di kimoan ani nun too bong linol, na i duh mbaling fitam salngad i safut too fitam, na i bulen mbaling fulè gambet litè.

Tafite 9:18

Na mati satu alel di tlu alel i kdee to di tah tanà fagu di tlu flayam, dunan lifoh, buk, na sandawà i lamwà di bà i dad kudà.

Tafite 9:15

Taman ftakun dad fat kasaligan Satanas i tagatlagad di fali, bulen, duh, na uras ani, mati satu alel di tlu alel di kdee dad to di klamang banwe.

Mark 13:24

Na man fa Dyisas, “Na di dad duh kafnge i dad kaflayam atù, ‘mbaling kifu i duh, na là nan mneng i bulen.

Matyu 24:29

Na man Dyisas, “Kafnge i dad kaflayam én, mbaling kifu i duh, na là nan mneng i bulen, na tatek i dad blatik mdà di langit, na gasyat i kdee mnè di langit di tagnè dalanla.

Tafite 12:4

Na fagu di ikongan dyolan satu alel mdà di tlu di kdee blatik na ftatekan ditù di tanà. Na tadag kenen di muna i libun fan sut i tingaan, du fye knaanan i tingà di ksutan.

2 Korintu 4:4

Là ale faglut, du Satanas i mebe i dad to là faglut di tah tanà ani, smafang i fandamla du fye làla dilè i kdatah Krayst Dyisas fagu di Fye Tulen ani. Fagu di ku Krayst gadeito Dwata, du salngad kenen di Dwata.

I Fye Tulen gablà ku Dyisas Krayst i Sulat Luk 21:25

“Na nun kadang ilè i kasfulêgu teen di duh, na di bulen, na di blatik. Na dini di tah tanà too likò i dad to di dad sahal banwe, na msamuk i nawala mdà di bong luk i mahin na dad malbang lwek.

Mark 15:33

Na mdà di ltu i duh mbaling kifu di klamang banwe kel di tngà masol i duh.

Matyu 27:45

Na mdà di ltu i duh mbaling kifu di klamang banwe kel di tngà masol i duh.

Dad Nimò 2:20

Mbaling kmifu i duh na mbaling fulè i bulen gambet litè. Ani sa mkel di là fa gdohò i mdatah duh, i duh kukum i Amu.

Tafite 16:10

Kafnge én, mdà i glime kasaligan na kokan i kenen tukung di gusudeng i bong kanlikò. Na di kagkokan kenen tukung mbaling kmifu i kagot bong kanlikò, na nakét i dad to déén i dilàla, du too sè katduk.