Tafite 7:10 - Blaan Sarangani

¹⁰ Na toola falbong i talùla, na manla, “Dnayenmi Dwatami, i sudeng di gusudeng i gumdatah, na i Tingà Bilibili du di dale gumdà i kagalwàmi.”

Tafite 7:10 Referans Kwoze

Tafite 19:1

Na kafnge én, lêmangu linge i talù gambet talù i bong dee dad to stifun déén di langit, mkit ale, manla, “Dnayenito Dwata. Dnayenito kenen i falwà gito, too mdatah kenen, na too mtulus di kdee.

Salmo 3:8

I kagalwà mdà alò di Amuito Dwata. Banlém moon kafye i dad tom.

Tafite 12:10

Kafnge én, lêmangu linge i bong talù mdà di langit, manan, “Ani i kagdohò i kafalwà Dwata i dad to, na tafite Dwata i bong glalan magot i kdee, na tambù i kagotan, na tanun glal i To Mgalékan, dunan Krayst Dyisas. Du i dmalam dad flanekito di kafaglut mduh na butang di muna Dwata, tabat mdà di langit.

Tafite 22:3

Na i kdee knang Dwata landè déén. Kabay déén i gusudeng Dwata na i Tingà Bilibili di syudad ani. Na i dad salig Dwata mangamfù ale di kenen.

Ifisus 2:8

Du mdà di kablén i kafye di gamu, falwaan gamu mdà di kaflayam landè sen, fagu di kafaglutyu di ku Dyisas Krayst. Ise mdà di gamu gnagan, demen mdà di fye nimòyu, bay alò mdà di blé Dwata landè bayad, du fye landè fakay mdag i kton,

Dyan 1:29

Di tmadol duh, teen Dyan Dyisas fdadong di kenen, na manan di dad to, “Neyeyu tadini i tingà bilibili Dwata, i dsù mwè i dad salà i dad to di klamang banwe.

Tafite 21:5

Kafnge én, i sudeng di gusudeng i gumdatah, manan, “Neyeyu ani, fnalamigu i kdee.” Na manan di deg, “Sulatam i kdee ani, du kdee tnalùgu too glut na too gsalig.”

I Fye Tulen gablà ku Dyisas Krayst i Sulat Luk 3:6

Na teen i kdee dad to i dalan kagalwà blé Dwata di dad to.’ ”

Tafite 5:7

Na fdadong i Tingà Bilibili di gusudeng i gumdatah na nwean i sulat maglulun mdà di kmalan gsen di kwanan.

Tafite 4:6

Na di muna i gusudeng ani nun kafbaweh mahin too mtiu gambet i sfihu. Na teengu fat gambet baweh lmanaf tadag di gutngà, glibut di gusudeng i gumdatah, na mto ale na slame mata i lawehla di kfe na di kagol.

Dyan 4:22

Na gamu dad to di Samériya là gamu gmadè i fnangamfùyu, bay gami dad Dyu gadèmi du i gumdà i kagalwà dad to, dunan di dad Dyu.

Dyan 1:36

na teenan Dyisas mlius di dale, na manan, “Neyeyu tadéén i Tingà Bilibili Dwata!”

Dyona 2:9

Kabay deg, kadang mlingag agu dmayen ge, na mangamfù agu di ge fagu di kadsùgu, na dnohògu i fakanggu di ge, du i kagalwà mdà alò di ge Dwata i Amu!”

Salmo 115:1

Amumi Dwata, ise di gami fye gumlé dad to dayen. Ise di gami! Alò ge i fye gumlé dayen du mdà di kakdom landè kgilin na du too ge gsalig.

Salmo 37:39

Én kagalwà i dad to matlu mdà di Amuito Dwata, na kenen i guflidungla di bang i samuk.