Tafite 3:7 - Blaan Sarangani

⁷ Na lêman man Dyisas di deg, “Ani sulatam di kasaligan Dwata mifat i dad to faglut di banwe Filadélfya. Manam di dad to faglut, ‘Nun man i to landè salà, na too gsalig, na too nun glal di kagotan gambet i kagot Harì Dabid, hae, du ku lanwan i takab, du fye fafusukan i to di kagotan, landè to gmagan tmakab dun. Kabay ku tnakaban landè gmagan lamwa dun.

Tafite 3:7 Referans Kwoze

Matyu 16:19

Blégu di ge i kaglut lamwa i dalan dad to salu di kagot Dwata, gambet ge magot i kunsì gamgukà i langit. Na ku tan i fnangam dini, fnang Dwata di langit, na ku tan i faloham dini di tah tanà, faloh Dwata di langit.”

Tafite 1:18

Deg sa mto. Balù tafnatila agu, bay neyem, talêman agu mto na landè gusen i nawagu. Na agu magot nawa i dad to, na nun bong glalgu magot i fati na Hadis i gumnè i dad layef i dad to tamati.

Tafite 6:10

Na toola falbong i talùla, na manla, “E Amumi, i Too Mtulus, ge too mtiu du landè salaam, na too ge gsalig. Tan i klomi fatan i kablém flayam di dad to di tah tanà du balas di kfatila gami?”

Dyan 14:6

Na man Dyisas di kenen, “Agu i dalan salu ditù, na agu i gumdà i kaglut na falami nawa. Landè to fakay salu di Mà ku laan funa magu di deg.

I Fye Tulen gablà ku Dyisas Krayst i Sulat Luk 1:32

Too kenen mdatah to, na tlo kenen Tingà i Too Mdatah Dwata, na i Amuito Dwata mlé kenen i kagot gutambulan Harì Dabid.

Mark 1:24

manan, “E Dyisas mdà di Nasarét, tan labetam gami? Fanam gami kè falmo? Gadègu ku simto ge! Ge sa To Landè Salà dek Dwata.”

1 Dyan 5:20

Na gadeito Dyisas Tingà Dwata fbaling to dini di tah tanà, du faglabatan gito du fye gadeito i too glut Dwata. Taman ani, sasatu ito di Dwata na di ku Dyisas Krayst Tingaan. Kenen sa i too glut Dwata na gumdà nawa landè sen.

Tafite 19:11

Na kafnge én, teengu i langit malwa, na déén di munagu nun bukay kudà na i dagit i to smakay i kudà ani, dunan Gsalig na Glut, na too matlu i kukuman na keben i kasfati.

Tafite 3:14

Na ani man Dyisas di deg, “Ani sulatam di kasaligan Dwata mifat i dad faglut di banwe Lawdisya. Manam di dad to faglut, ‘Nun man i to too gsalig du kdee manan slame glut, na kenen i gumdà i kdee dad tanimò Dwata.

Tafite 5:9

Na mlingag ale i falami lingag, manla, “Too ge gablà mwè i sulat maglulun, na lamket i dad fadkatan, du ge sa i tafnatila, na liteam i bayadam dad to nfun Dwata, dad to mdà di kdee sahal bung to, mdà di kdee sahal talù, na mdà di kdee sahal banwe.

Tafite 1:11

Na ani manan, “Sulatam i kdee teenam, na febem kadang di fitu lumbuk i dad to faglut di dad banwe Ifisus, Smirna, Firgamun, Tiatira, Sardis, Filadélfya, na di Lawdisya.”

Dad Nimò 3:14

Knangyu i To Landè Salà na Too Matlu, na balingyu fni di ku Filat ku falwaan i to manò.

Matyu 24:35

Matlas i langit na tanà, bay là matlas i tnalùgu kel di landè sen.”

I Fye Tulen gablà ku Dyisas Krayst i Sulat Luk 4:34

“E Dyisas mdà di Nasarét, i tan labetam gami? Fanam gami kè falmo? Gadègu ku simto ge! Ge sa i To Landè Salà dek Dwata!”

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Salmo 89:18

Hae, Amugu Dwata, du ge i kamlung gami; na ge, Dwata Landè Salà, gusmalig i gutambulmi Israél, na ge i mlé harìmi.

Tafite 21:5

Kafnge én, i sudeng di gusudeng i gumdatah, manan, “Neyeyu ani, fnalamigu i kdee.” Na manan di deg, “Sulatam i kdee ani, du kdee tnalùgu too glut na too gsalig.”

Tafite 19:2

I kukuman too glut na too matlu. Tafanlayaman i libun mkat lagi, du falmon i dad to di tah tanà fagu di too sasè knayè i lawehan. Na tagbalas Dwata litè i dad saligan tafnati i libun ani.”

Tafite 16:7

Kafnge én, nun lingegu tmimel mdà di gudamsù, manan, “Hae, Amumi Dwata Too Mtulus, too glut na matlu i dad kukumam.”

Tafite 4:8

Na kat satu dale nun nam fafakla na lawehla slame mata di lwà na di lam. Na mlingag ale tayud i butang na mduh. Na man i lingagla ani, “Landè salaan, landè salaan, landè salà Amuito Dwata Too Mtulus, i tagnè mdà di kagatbuan kel ani, na kel di landè sen.”

Tafite 2:1

Na lêman man Dyisas di deg, “Ani sulatam di kasaligan Dwata mifat i dad faglut di banwe Ifisus. Manam di dad to faglut, ‘Nun man i to magot i fitu blatik di kmalan gsen di kwanan na magu di bleng i fitu gufkah i salò.

Salmo 16:10

du balù mnè agu di agot i fati laam agu bayà; laam tnagak i Mtiu To toom kando di lbang.