Tafite 3:17 - Blaan Sarangani

¹⁷ Na galyu man, nun bong knunyu, na landè sa gukulangyu, bay làyu gadè i kaglutan, too sasè i kagkahyu, na magakdo gamu, du mbaling gamu dad to landè, na butè i fandamyu, na sadi gamu flaweh.

Tafite 3:17 Referans Kwoze

Dad Fngewe 13:7

Nun dad to flingu nun knunla balù landè, bay nun dademe dad to flingu landè knunla, balù nun bong knunla.

Tafite 2:9

Na ani sa i manan di gamu. Gadègu i bong kaflayamyu na klandèyu. Kabay i kaglutan too bong knunyu mdà di Dwata. Na gadègu gablà di ksasè kastulen i dad to Dyu gablà di gamu. Balù manla too ale glut Dyu, bay kaglutan, Satanas mfun dale.

Roma 7:24

Too sè klidù nawagu gablà di nimògu ani. Simto kè gmagan falwà deg mdà di kagfasak i lawehgu ani, i mebe deg di fati landè sen?

I Fye Tulen gablà ku Dyisas Krayst i Sulat Luk 1:53

Tafabsolan i dad to bitil fagu di dad fye blén di dale, bay fuléan i dad to bong knun na landè blén dale.

Matyu 9:12

Na di klinge Dyisas i manla, tnimelan ale fagu di fléd, manan, “Hae, du i dad to nun tduk nun kamu i to mulung, bay i dad to landè tduk landè gukmamu i to mulung.

Tafite 16:15

Na man Krayst Dyisas, “Toom fanlinge i mangu ge. Kakelgu gambet kakel i to tmaku, du landè gmadè ku tan i duh dun. Na nun kafye di to là kudang di klon fatan, bay fadlug lamsak i klawehan, du fye gatlagad na laan flaweh na laan myà di kakelgu.” Ani gman Dyisas.

Roma 12:3

Na du blé Dwata di deg glal tamdò i Tnaluan, mangu di kdeeyu, nangyu fdatah i ktoyu. Kabay fye ku glut i fandamyu gablà di dad gnagan blé Dwata gamu du mdà di kafaglutyu di kenen.

Dyénésis 3:7

Di kakaanla bunge i kayu én, mbaling ale fulung faldam, na dilèla ale flaweh. Taman mwè ale dad doon i kayu fig, na nilolla na labédla di lawehla.

2 Fiter 1:9

Kabay ku nun to laan lalò i kdee gmangu ani, butè kenen du laan fa glabat i kaglut na taglifetan klaneb kenen mdà di dad muna salaan.

Matyu 5:3

“Nun kafye i dad to dmilè là ale gmagan mlalò Dwata ku ise mdà di tabengan, du gakuf ale di kagotan.

I Fye Tulen gablà ku Dyisas Krayst i Sulat Luk 6:24

Kabay magakdo gamu dad to bong knun ani, du tagdawatyu i fye knèyu dini.

Éksodus 32:35

Kafnge én, fanlayam Dwata i Amu i dad bel Israél, du feben i satu tduk di dad to, du fnangamfùla i alung tingà baka, i nlegesla fimò ku Aron.

Roma 11:25

Na dad flanekgu faglut, kayègu ku gadèyu i là fgadè Dwata di dad to di muna, du fye làyu fdatah i ktoyu di dad Dyu. Di bang ani dee dad Dyu mgal fa ulula. Na là ale faglut kel di bang kdee dad to ise Dyu i mgalék Dwata sdulê faglut di kenen.

Roma 11:20

Too glut gamu sa tlas dale. Kabay maklang ale du là ale faglut, na gamu i tlas dale, du gamu sa faglut. Kabay nang gamu fdag, bay fye ku likò gamu Dwata,

Dad Fngewe 30:9

du ku bong lukas i blém deg, ken mangu landè gukmamugu ge, demen ku landè agu, ken tmaku agu na gafalmogu dengeg Dwatagu.

Tafite 3:16

Na taman du alò mduf i kafaglutyu di deg, laan tno na laan minit, fangu gamu lwà.