Tafite 19:3 - Blaan Sarangani

³ Na mkit ale lêman, manla, “Dnayenito Dwata. I buk mdà di ksakuf i banwe én tatì mbuk kel di landè sen.”

Tafite 19:3 Referans Kwoze

Tafite 18:18

Na di kitela i buk mdà di ksakuf i banwe ani, kdeela mkit na manla, “Landè dademe banwe gasngad i bong banwe Babilon.”

Tafite 18:9

Na i dad harì di tah tanà, i gagin di kenen di kimoan i too sasè knayè i lawehan, too ale mngel na too ale mlanu di kitela i buk ksakuf kenen.

Tafite 14:11

Na landè gusen i buk mdà di lifoh i gumaflayamla, na landè gugaftud i dad to mangamfù di bong kanlikò na i kafbawehan, na i dmawat ilè i dagitan, du maflayam ale mduh na butang kel di landè sen.”

Tafite 19:1

Na kafnge én, lêmangu linge i talù gambet talù i bong dee dad to stifun déén di langit, mkit ale, manla, “Dnayenito Dwata. Dnayenito kenen i falwà gito, too mdatah kenen, na too mtulus di kdee.

Dyénésis 19:28

Na neyen ditù di gusablà i dad banwe Sodom na Gomora, na di klamang datalan, na teenan i bong mgat buk salu tah mdà di tanà, gambet i buk di bong ntam fnuluk too mgat.

Dyud 1:7

Fandamyu nimò i dad to di banwe Sodom na Gomora na i dademe dad to glibut déén falmo Dwata fagu di lifoh, too ale mimò salngad nimò dad kasaligan di muna fa, du nimòla magagyà nimò knayè i lawehla, na tanlamin dad lagi i dademela lagi. I gukel dad to ani guflingen i kaflayam gdawat i dad to ditù di lanaw lifoh landè fati kel di landè sen.

Salmo 104:35

Gablà ku malmo i kdee to gamsalà di tah tanà ani; na ku talandè nan dad to mimò sasè. Too mdà di nawagu mlé fye di Amugu Dwata! Dnayenito i Amuito Dwata!

Tafite 19:4

Kafnge én, i lwe falò fat ulu di dad to faglut, na i fat gambet lmanaf i too mto, lkuad di muna Dwata, i sudeng di gusudeng i gumdatah, du mangamfù ale di kenen, na manla, “Too glut sa. Dnayenito Dwata.”