Tafite 15:4 - Blaan Sarangani

⁴ E Amumi, kdee dad to mafè ge, na dmayen na fdatah ge, du ge alò i too mtiu du landè salaam. Kdee dad to di kdee banwe salu ale kadang di ge, na mangamfù ale di munam, du tateenla i kdee dad nimoam too matlu.”

Tafite 15:4 Referans Kwoze

Salmo 22:27

Na di duh én, gafaldam kdee to di klamang banwe i Amuito Dwata, na samfulê ale di kenen; i kdee to, lkuad ale du mangamfù di kenen,

Tafite 11:15

Kafnge én, nyuf i gfitu kasaligan i kenen twang. Na di kagyufan dun nun dad mkit mdà di langit, na manla, “I glal magot i klamang banwe di tah tanà i gfun Amuito Dwata na i To Mgalékan, na kenen magot kel di landè sen.”

Tafite 14:7

Na falbongan i taluan, manan, “Tooyu nafè Dwata na dnayenyu i kdatahan, du takel i bangan mukum i kdee dad to. Tooyu fnangamfù kenen i mimò kdee, langit, tanà, mahin, na i dad yéél.”

Tafite 4:8

Na kat satu dale nun nam fafakla na lawehla slame mata di lwà na di lam. Na mlingag ale tayud i butang na mduh. Na man i lingagla ani, “Landè salaan, landè salaan, landè salà Amuito Dwata Too Mtulus, i tagnè mdà di kagatbuan kel ani, na kel di landè sen.”

1 Fiter 1:16

Du nun fsulat Dwata, manan, “Nang gamu fagsalà, du là agu fagsalà.”

Tafite 16:7

Kafnge én, nun lingegu tmimel mdà di gudamsù, manan, “Hae, Amumi Dwata Too Mtulus, too glut na matlu i dad kukumam.”

Tafite 19:2

I kukuman too glut na too matlu. Tafanlayaman i libun mkat lagi, du falmon i dad to di tah tanà fagu di too sasè knayè i lawehan. Na tagbalas Dwata litè i dad saligan tafnati i libun ani.”

Salmo 89:7

du ge i too nafè dad kasaligan di bong kastifunla, na ge i toola kanlikò.

Roma 15:9

du fye balù gamu dad ise Dyu fakay dmayen Dwata gablà di kakdon gamu, du di Tnalù Dwata nun gman Krayst, manan, “Dmayen agu ge Dwata, gagin i dad to ise Dyu, na mlingag agu dmayen ge.”

Tafite 6:10

Na toola falbong i talùla, na manla, “E Amumi, i Too Mtulus, ge too mtiu du landè salaam, na too ge gsalig. Tan i klomi fatan i kablém flayam di dad to di tah tanà du balas di kfatila gami?”

Tafite 3:7

Na lêman man Dyisas di deg, “Ani sulatam di kasaligan Dwata mifat i dad to faglut di banwe Filadélfya. Manam di dad to faglut, ‘Nun man i to landè salà, na too gsalig, na too nun glal di kagotan gambet i kagot Harì Dabid, hae, du ku lanwan i takab, du fye fafusukan i to di kagotan, landè to gmagan tmakab dun. Kabay ku tnakaban landè gmagan lamwa dun.

Salmo 105:7

I Amuito Dwata, kenen i Dwata gusmaligito, na kenen i mukum kdee to di klamang banwe.

Salmo 22:3

Kabay knean too ge mtiu, landè salaam. Déén ge di gumneam too mdatah, na ge i dnayen i dad tom, i bel Israél.

Salmo 22:23

Mangu di dale, “Kdeeyu nun klikò di Amuito Dwata, dnayenyu kenen. Fdatahyu kenen, gamu bel Dyékob; nafèyu kenen, gamu bel Israél.

Tafite 16:5

Na lingegu i gman kasaligan Dwata i magot dad yéél, manan, “E Dwata, too ge mtiu, du landè salaam, na tagnè ge mdà di kagatbuan kel ani, na too matlu i kukumam fagu di kfebem dad flayam ani.

Tafite 19:8

Na gablé di libun i klaweh too bukay, i too mneng na too mlaneb na lsakan.” Na i gumtatek i mabtas klaweh ani, dunan i kdee dad matlu nimò mgimò i dad to tanfun Dwata.