Tafite 12:6 - Blaan Sarangani

⁶ Na i libun ani mila kenen di banwe gulandè to, du nun gumnean tafatlagad Dwata kenen. Na déén gumifat Dwata kenen mlibu lwe latu nam falò duh i klon.

Tafite 12:6 Referans Kwoze

Tafite 13:5

Na i kdee kafdag na i too sasè gman i bong kanlikò gablà di Dwata tatì faloh Dwata. Na faloh Dwata kenen mimò i knayean klo di fat falò lwe bulen.

Tafite 12:14

Kabay i libun, banlé Dwata kenen lwe fafak gambet fafak i bong kablak, du fye gayeng kenen mdà di bong naga ditù di gufnè kenen di banwe gulandè to i gumifat Dwata kenen di lam i tlu fali tngà, du fye là gnumah kenen i bong naga.

Tafite 12:4

Na fagu di ikongan dyolan satu alel mdà di tlu di kdee blatik na ftatekan ditù di tanà. Na tadag kenen di muna i libun fan sut i tingaan, du fye knaanan i tingà di ksutan.

Matyu 4:11

Na tnagak kenen Satanas, na nun dad kasaligan Dwata salu di kenen du nifatla.

Tafite 17:3

Na lêman agu nebe i kasaligan fagu di Tulus Dwata di banwe gulandè to. Na teengu i libun sudeng di tah i bong lmanaf too kanlikò bnatak fulè, i nun fitu ulun na sfalò sungketan, na gsulat di kenen i dee sasè dagit i falmo kdatah Dwata.