Tafite 11:18 - Blaan Sarangani

¹⁸ Na i dad to dmuen ge too ale flabè, bay tafitem i kalbutam. Na ani takel i bangam mukum i dad to tamati, na bangam mlé i untung di dad saligam dunan dad tugadam, na di kdee dad to nfunam, na kdee mafè ge, balù mdanà ku demen mdatah. Na takel i bangam too falmo i dad to gal falmo i dad to di tah tanà.”

Tafite 11:18 Referans Kwoze

Tafite 20:12

Na teengu i kdee to tamati, dad mdatah na dad mdanà to, na tadag ale di muna i gumdatah, na nukaan i dad libru. Na i satu libru nukaan, dunan i gugsulat dagit i kdee dad to gamdawat nawa landè sen. Na i kdee dad to tadag déén nukuman mdà di kdee dad nimòla gsulat di dad libru.

Tafite 19:5

Na mdà di gusudeng i gumdatah nun talù, manan, “Dnayenito Dwataito, i kdeeyu dad lifanan, gamu dad to mafè kenen, dad to mdanà na dad to mdatah.”

Tafite 13:10

Ku én knayè Dwata di satu to bnilanggù kenen, na bnilanggù sa. Na ku én knayè Dwata di satu to bnanò kenen sundang, na bnanò sa. Na taman gito dad to nfun Dwata, too mabtas di gito ku too ito tmayud di kaflayam kel di gito na too ito smalig di kenen.

Tafite 22:12

Na man Dyisas, “Fanlingeyu agu. Tamdadong i kasfulêgu. Na nebegu i untung blégu di gamu, na blégu ani di kat satu to gasngad di dad mgimoan.

Salmo 103:11

du i kakdon dad to nun klikò di kenen, landè kgilin, na too là gagan mtas dun; salngad di kdatah i langit di tah tanà i kalbong nawan dale.

Tafite 15:7

Na satu di fat gambet lmanaf sankatan banlé tukung blawen i fitu kasaligan. I dad tukung én too fnò i kaflabè Dwata, i Dwata mto landè gusenan.

Tafite 15:1

Kafnge én, teengu i satu too bong gamtikeng ditù di langit. Nun fitu kasaligan Dwata mebe i fitu bung flayam. Na di kafnge kadang i fitu dad flayam ani, ani gusen i kaflabè Dwata.

Tafite 14:10

gamdawat kenen i flayam du mdà di too kaflabè Dwata. Na i dad to salngad i to én too fanlayam Dwata fagu di lifoh na sandawà dminè, di muna i dad kasaliganan na i Tingà Bilibili.

Hibru 9:27

Na salngad én i dad to, du alò ale sulê magu di fati, na kafnge én nukum ale Dwata.

I Fye Tulen gablà ku Dyisas Krayst i Sulat Luk 1:50

Fiten i kakdon di kdee dad to nun klikò di kenen, fandà di muna dad to, kel di kdee tugad i bella.

Matyu 5:12

Salngad ani i kaflayamla dad tugad Dwata di muna, taman too gamu flehew du bong untungyu kadang di langit.

Salmo 110:5

Na balù tan i nimoam, déén i Amuta Dwata gsen di kwananam; na toon fnisan i dad harì dmuen ge di duh i sè kalbutan.

Salmo 2:5

Na kafnge én, nngakan ale du too malbut; na too ale likò mdà di bong kalbutan dale.

Tafite 20:15

Na ku simto dagit i là gsulat di libru gugsulat i dagit dad to gamdawat nawa landè sen, tatì ale bat ditù di lanaw lifoh.

Tafite 18:6

Na bnalas di kenen i kaflayam i galan flayam gamu, na ku tan i kalbong i flayaman i dademe, lwe dulê i kablat i kaflayam i flayam Dwata kenen. Na ku tan i kaflabè i libun ani di gamu, lêman lwe dulê fa i kablat i kaflabè Dwata kenen.

Tafite 11:2

Kabay nangam bantas i nasel gumangamfù dad to di lwà i Bong Gumnè Dwata, du ani tagablé di dad to ise Dyu, i gal dmuen Dwata. I dad to ani falmola kadang i syudad Dyérusalém, i banwe Dwata klo i fat falò lwe bulen, dunan mlibu lwe latu nam falò butang.

Tafite 19:15

Na lamwà mdà di baan i too gamban sundang, du ani fisanan i dad to di sahal banwe. Na i kagotan dale landè gamfisan kenen. Nlék ale Dwata Too Mtulus gambet i kaflà bunge grép, du toon ale fanlayam, mdà di kaflabean dale.

Tafite 10:7

Kabay ku takel i bang kyuf i gfitu kasaligan i kenen twang, too glut dnohò Dwata i tagnè fandaman bunin di muna, bay di muna fgadean di dad to saligan, dunan i dad tugadan.”

Tafite 13:16

Na i galwe kanlikò ani nlegesan kdee dad to, dad to mdatah, dad to mdanà, dad to bong knun, dad to landè, dad to fasak, na dad to ise fasak, du fye fafkahan i ilè di kmalla gsen di kwanan ku demen di angasla,

Tafite 19:18

I fkaanan gamu i ungad i dad harì, na i dad ulu di dad sundalu, na i dad sundalu, na i dad kudà na i dad smakay i kudà, na ungad i kdee dad to, balù dad to fasak ku demen ise fasak, na balù dad to mdanà ku demen mdatah to.”