Salmo 9:14 - Blaan Sarangani

¹⁴ taman falwaam agu du fye gtulengu di kdee tom ditù di syudadam Sion i kdee kafyem di deg; na too agu lehew di kafalwaam deg.

Salmo 9:14 Referans Kwoze

Salmo 13:5

Kabay smalig agu di kakdom landè kgilin, na too agu lehew du falwaam agu kadang.

Salmo 51:12

Kabay fuléam di deg i klehew i to gmadè tagalwà kenen di agot i sasè, na banlém agu ayè mimen ge.

I Fye Tulen gablà ku Dyisas Krayst i Sulat Luk 1:47

na too lehew nawagu Dwata, i To Falwà deg,

Salmo 51:15

E Gumdatahgu, nweam i kyàgu talù, na toogu fdengeg i kafyem.

Salmo 42:4

Too sè i klidù nawagu di kagafaldamgu i fye nimògu di muna, di kagingu fa i dee to salu ditù di Bong Gumnè Dwata. Agu i tukè muna di dale di kagumi na too lehew kdeemi; klomi magu mlingag gami na mkit dmayen na mlé fye di Dwata.

Salmo 22:25

Dwata, du too mdatah i mgimoam, toogu ge dnayen kadang di bong kastifun i kdee tom. Di kanfe i dademegu to i nun klikò di ge blégu di ge i dsù tafakanggu.

Salmo 22:22

Na tulengu kadang di dad togu i kafye mgimoam, na dnayenta ge déén di kastifun i kdee tom.

Éksodus 3:7

Na kafnge én, man Dwata i Amu, “Tateengu i kaflayam i dad togu, i dad bel Israél, ditù di banwe Idyif. Na talingegu i dalongla, na i kafnila di dagu tabeng, du fye galwà ale di falel i dad to guglifanla. Gadègu too ale maflayam, na too mlidù i nawagu dale.

Éksodus 3:9

Hae, talingegu i dalong i dad togu, i dad bel Israél, na teengu i kibò dad to Idyif mkut dale.

Salmo 6:3

Too msamuk i nawagu. E Amugu Dwata, kilen dé i ktabengam deg?