Salmo 9:10 - Blaan Sarangani

¹⁰ Amugu Dwata, i dad to dmilè ge, smalig ale di ge, du laam sa fbayà i dad to fdadong di ge.

Salmo 9:10 Referans Kwoze

Salmo 91:14

Man Dwata, “Du bong nawan deg, falwàgu kenen di dad gamsasè kenen, na kanlunggu, du fgadean na deg i Amun Dwata.

Dad Fngewe 18:10

Dwata salngad i bong mgal gumnè i gal gumila i dad to matlu, du fye giwas ale di sasè.

Salmo 5:11

Kabay kdee dad to smalig di ge, banlém ale klehew, fye too ale gal mlingag di klehewla. Kanlungam ale, fye lehew di ge i dad to ani i mbong nawa ge.

2 Timoti 1:12

Taman én duengu maflayam dini di bilanggù. Kabay balù ani i gaslokgu landè kyàgu, du toogu gadè i gusmaliggu, na too nun imen nawagu gmagan kenen mifat i tasaligan di deg kel kadang di Duh Kukuman.

1 Dyan 5:20

Na gadeito Dyisas Tingà Dwata fbaling to dini di tah tanà, du faglabatan gito du fye gadeito i too glut Dwata. Taman ani, sasatu ito di Dwata na di ku Dyisas Krayst Tingaan. Kenen sa i too glut Dwata na gumdà nawa landè sen.

Salmo 37:28

Hae, du én alò kayè Amuito Dwata i katlu, na laan sa fbayà i dad to faglut di kenen kel di landè gusenan; bay i bel dad to mimò sasè falmon ale.

2 Korintu 4:6

Na di kimò Dwata i banwe, di kagatbuan too kifu i kdee. Kabay alò mdà di kmanan malwa, malwa nan. Na salngad én i nimoan di gami, du lanwan i fandammi, du fye glabatmi i bong kdatah na kneng teenito di ku Dyisas Krayst.

Dyan 17:3

Na i dad to dmawat nawa landè sen, dunan i dad gmadè ge, i too glut Dwata, na deg, Dyisas Krayst, i dekam salu dini di tah tanà.

1 Dyan 2:3

Ani gudmilè too glut gmadè ito Dwata, ku nimenito i kdee flaloan gito.

Salmo 37:39

Én kagalwà i dad to matlu mdà di Amuito Dwata, na kenen i guflidungla di bang i samuk.