Salmo 80:1 - Blaan Sarangani

¹ E ge, i Mifat Dad Bel Israél, i malak dad to Dyosif gambet i kalak satu mifat dad bilibilin, begam gami fanlinge. Ge i sudeng di gusudeng i mdatah harì di tah i dad kafbaweh dad sérubim, fitem i kdataham na i bong knengam.

Salmo 80:1 Referans Kwoze

Tafite 21:23

Na landè gukmamu i kneng i duh na i bulen di syudad én, du i tmuyal di syudad i bong kneng Dwata na i Tingà Bilibili kenen i salò.

1 Fiter 2:25

Du di muna, di làyu fa gadè Dyisas Krayst, salngad gamu i dad bilibili tatlas, bay ani, taneben gamu samfulê fye lalòyu Krayst i Mifat na Kamlung gamu.

Hibru 13:20

Na kayègu ku Dwata i gumdà i ktanak nawa na i mték Amuito Dyisas Krayst mdà di fati, mlé gamu i kdee kafye, du fye gmagan gamu mimò i kdee knayean. Na kayègu Amuito Dyisas dmohò i knayean di gito. Mbaling kenen Mdatah Mifat gito dad bilibilin, fagu di kfalohan i litean, na fagu di litean tamgimoan i falami dalan landè gusenan i gumdaito masafye di Dwata. Na dnayenito Dyisas Krayst kel di atuan landè sen. Amén.

Salmo 80:7

E Dwata, gumdatah i kdee di tah langit na tanà, fasfuléam gami di ifatam, fitem i kakdom di gami lêman du fye galwà gami.

Salmo 80:3

E Dwata, fasfuléam gami di ifatam; fitem i kakdom di gami lêman du fye galwà gami.

1 Fiter 5:4

Na di kasfulê Too Mdatah Mifat, blén di gamu alelyu di kdatahan i landè gufwà i knengan.

Dyan 10:14

“Agu i too fye mifat i dad bilibili. Sgadè gami mà, na salngad én i kasgadèmi i dad bilibiligu. Na gatlagad agu mlé i ktogu di fati du fye galwà ale.

Salmo 80:19

Amumi Dwata, gumdatah i kdee di tah langit na tanà, fasfuléam gami di ifatam. Léam fite i kakdom di gami du fye galwà gami.

Salmo 5:1

E Amugu Dwata, fanlingem i dasalgu, na balù i mnè fa di lam nawagu, i làgu gagan mangman dun, begam fanduf.