Salmo 8:1 - Blaan Sarangani

¹ E Amumi Dwata, ge gumdatahmi too mdengeg i kdatah dagitam di klamang banwe; magdayen i kdataham kel ditù di tah langit.

Salmo 8:1 Referans Kwoze

Salmo 8:9

E Amumi Dwata, ge gumdatahmi, na too mdengeg i kdatah dagitam di klamang banwe.

Éksodus 15:11

E, Amugu Dwata, simto dad mule i gasngad ge? Simto i salngad ge, i ktium too mdatah? Simto i salngad ge, i bong knengam too gamtikeng? Simto i salngad ge, i bong gnaganam di kimoam dad tnikeng?

Hibru 7:26

Taman Dyisas i mdatah baito di Dwata, na too nun gukmamuito kenen, du too kenen gmagan tmabeng gito, du too landè salaan, na laan gsalà. Na laan gambet i dad to, du ale gamsalà. Na kenen fdatah Dwata di kdee di langit.

Tafite 19:6

Na kafnge én, lêmangu linge i talù gambet talù i bong dee dad to, i unin gambet luk i bong fikong, na uni i bong kilet. Na lingegu i kitla, manla, “Dnayenito Dwata. Du Amuito Dwata Too Mtulus i magot i kdee.

Filifos 3:8

Ise alò én, bay landè gukmamugu i kdee knabasgu di muna, du too mabtas fa di deg i ksasatugu di ku Krayst Dyisas i Amugu. I kdee di muna gambet alò sabat balok, taman tnagakgu i kdee, du fye toogu kenen gadè,

Salmo 84:1

E Amugu Dwata, gumdatah i kdee di tah langit na tanà, too bong nawagu i Bong Gumneam.

Salmo 63:1

E Dwata, ge i Dwatagu, na too sè klidùgu ge; i klidù nawagu ani, gambet too agu malau. Fanngabalta ge gambet i to mngabal yéél ninum di banwe too kafag na sasè tanà i landè yéél.

Ifisus 4:10

Taman i to tufa mdà di langit salu dini di tah tanà, dunan i to magket samfulê di tah langit, na balù tanè di klamang tanà na di klamang langit déén sa kenen, du kenen magot i kdee.

Dyan 20:28

Na tmimel Tomas, “Ge Amugu na Dwatagu.”

Matyu 22:45

Na du katlo Dabid, i To Mgalék Dwata dunan Amu, na kan ku én katloyu kenen bel Dabid?”