Salmo 72:12 - Blaan Sarangani

¹² Du di kenen kagot kadang, falwaan i dad to landè di kalimala, na i dad to too nun kanlidù, na i kdee to landè tmabeng dale, ku ftabeng ale di kenen.

Salmo 72:12 Referans Kwoze

Hibru 7:25

Na du ani kagkah Dyisas, balù kilen gaganan falwà i dad to salu di Dwata fagu di kenen, du mto kenen landè gusenan, na kenen baito di Dwata.

Salmo 10:17

Amugu Dwata, gadeam sa i dasal mnè di nawa i dad to maflayam, na ge i tamgal nawala, na flinge i kafnila di ge.

2 Korintu 8:9

Na tagadeito gablà di bong kafye Amuito Dyisas Krayst. Du balù i kdee nfunan ditù di tah langit, knean mbaling kenen to landè, duenan gito du fye fagu di mgimoan ani, mbaling ito dad to nun.

I Fye Tulen gablà ku Dyisas Krayst i Sulat Luk 4:18

“I Tulus Dwata mnè di deg, du tanalékan agu tmulen i Fye Tulen mdà di Dwata di dad to landè. Tadekan agu dini, du fye tmulen gablà di kagalwà i dad to gakfè, na fgulê i dad to butè, na falwà i dad to fanlayam i dademe,

Salmo 72:4

Nsenan i kaglut i dad to landè knun, na falwaan dad to landè tmabeng dale di agot dad mkut dale, na toon fnisan dad mkut i dademela to.

I Fye Tulen gablà ku Dyisas Krayst i Sulat Luk 7:22

Taman ani timelan i dad to dek Dyan, manan, “Samfulê gamu di ku Dyan, na tulenyu kenen i kdee tateenyu na talingeyu dini. Hae, mite i dad butè, gagu i dad kimay, na landè ksik i dad to tanfig du mgulê, mlinge i dad bakong, mto lêman i dad to mati, na tatulen di dad to landè i Fye Tulen mdà di Dwata.

Dad Fngewe 29:7

I dad to matlu too gmadè kamdo na tmabeng i dad to landè di gususay, bay i dad to sasè là mabtas di dale i dad to landè.