Salmo 7:9 - Blaan Sarangani

⁹ Tanlagam moon i sasè nimò i dad to sasè, na tnabengam i dad to matlu di fye nimòla, du ge i Dwata too matlu, na ge i meye ku fye demen sasè i mnè di fandam na nawa i dad to.

Salmo 7:9 Referans Kwoze

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.

Salmo 139:1

Amugu Dwata, tatoom agu neye, na gadeam i kdee gablà di deg!

Salmo 37:23

I Amuito Dwata malak i satu to di kagun na di nimoan, na i dad to gaflehew kenen fgalan i klafàla di kdee nimòla;

Salmo 11:5

Tnandak i Amugu Dwata dad to matlu na i dad to sasè, bay dad to sasè na dad to too mayè smamuk i dademela to knangan ale nawa.

Salmo 10:15

Nweam i gal i dad to sasè di dad nimòla sasè, na fbayadam dale i kalbong kdee mgimòla, fye landè gtagak i là gbayadla.

Roma 16:25

Too ito dmayen Dwata. Du kenen alò gatgal i nawaito di kafaglutito di ku Dyisas Krayst, fagu di Fye Tulen gablà di kenen i galgu tdò, na fagu di kaglut tafiten i gbuni di muna fa.

Dad Nimò 12:23

Na di kmanla én, nun kasaligan Dwata mlayam ku Hérod, du dnawatan i dayen mdà di dad to na laan dnayen Dwata, taman snafat kenen na fles mati.

Salmo 10:18

Hae, ge mlé kagalwà di dad to ilu na dad dademe to bankut, du fye landè to di tah tanà i fakay lêman mkut dale.

Salmo 40:2

I kaflayam gnagugu gambet ditù agu di lam i bong mngalam sol too gamlikò deg i nun fitak too lbu; bay fatunan agu, na fansen agu ftadag di tah i batu i gulandè gamsasè deg.

Dyud 1:1

Agu Dyud i smulat ani, agu satu salig Dyisas Krayst na i flanek Dyém. Na sulatgu ani di kdeeyu tamgalék Dwata na mnè di kakdo Maito Dwata na di ifat Dyisas Krayst.

1 Fiter 5:10

Kafngeyu magu di kaflayam là mlo, Dwata gumdà kdee kafye, i malék gamu du fye gagin gamu di kdatah Krayst kel di landè sen, snikofan i gukulangyu, na tangalan i kafaglutyu, du fye gamtayud gamu di kdee mkel di gamu.

1 Tésalonika 3:13

na fagu én, tangalan nawayu, du fye landè gudmalam gamu, du landè sasè gbol di nawayu di kite Maito Dwata di kasfulê Amuito Dyisas gagin i kdee dad ton.

Salmo 9:9

I Amugu Dwata i gumila dad to mabkut, na di bang i samuk, kenen guflidungla.

Salmo 43:1

E Dwata, neyem i nimògu na fdileam landè kaglut i kdalamla deg; nsenam agu di kduen dad to là faglut di ge, na falwaam agu di agot i dad to tmulen kéng na mimò sasè.

Salmo 96:10

Manyu di kdee to di dad sahal banwe, “Amuito Dwata i harì! Tanimoan i banwe ani, na too mgagid i gufkahan dun, na laan mgingok. I kukuman i kdee to fagu di too glut kukum.”

Salmo 96:13

du salu dini Amuito Dwata, salu kenen dini du nukuman i kdee to di klamang banwe, na i kukuman i dad to fagu di katlu na fagu di kaglut.