Salmo 7:2 - Blaan Sarangani

² ken én kibòla deg kadang, kanfèla, na sankahla agu, gambet nimò i labè lmanaf liyun, na landè dademe tmabeng deg.

Salmo 7:2 Referans Kwoze

1 Fiter 5:8

Na tooyu dnan i ktoyu, na tooyu fangeye kdee nimòyu, du Satanas dmuen gamu, lamngab salngad i bong labè lmanaf liyun, du mngabal i to fakayan falmo.

2 Timoti 4:17

Balù tnagakla agu Amugu Dyisas Krayst mnè di safédgu na tangalan i nawagu, du fye too agu gamtulen i Fye Tulen gablà di kenen, du fye mlinge i kdee dad to ise Dyu. Na kenen i falwà deg di dad sasè to fan mati deg.

Dad Fngewe 19:12

I kaflabè i harì gaflikò salngad i bong ngal i lmanaf liyun, bay i kakdon too fye salngad i ulen tatì sanfatan.

Salmo 22:13

Na salngad ale i dad malbang labè lmanaf liyun mngat i dad bàla du kagula makét na samkah deg, na gambet too ale mngal fite i klabèla.

Salmo 10:9

Fatan kenen di gusalbunin, salngad di malbang lmanaf liyun fatan di ilib galan gusalbuni, du neyen ku nun to landè kwè du kanfean; na di kagakfean dyolan ditù di lam i galan gusalbuni.

Salmo 11:1

Amugu Dwata alò i guflidunggu ku kel i samuk, na kan ku manyu di deg, “Mila ge gambet i anuk mayeng ditù di dad bulul,

Salmo 16:1

Dwata, kanlungam agu, du ge i guflidunggu.