Salmo 51:4 - Blaan Sarangani

⁴ Di ge alò i gugamsalàgu, du i mgimògu too sasè di kitem; taman too glut i gutadagam dmalam deg, na too matlu i kdee kukumam.

Salmo 51:4 Referans Kwoze

I Fye Tulen gablà ku Dyisas Krayst i Sulat Luk 15:21

“Na man i tingaan, ‘Mà, tagamsalà agu di Dwata na lêman di ge. Talà agu gablà tlo tingaam.’

Roma 3:4

Là sa! Du balù ku kdee dad to slame tmulen kakakéng, bay i kdee man Dwata slame glut. Salngad i man Dabid di sulatan gablà di katlu Dwata, manan, “Dwata, too glut i gutadagam dmalam, na too matlu i kukumam.”

Dyénésis 39:9

Sadi salngad i glalgu di kenen glal dini di gumnean ani. Na landè dini i klenan deg galwà ge, du ge sa i yaanan. Taman là agu mayè mimò i too sasè nimò, du là fakay ku gamsalà agu di Dwata.”

Tafite 16:5

Na lingegu i gman kasaligan Dwata i magot dad yéél, manan, “E Dwata, too ge mtiu, du landè salaam, na tagnè ge mdà di kagatbuan kel ani, na too matlu i kukumam fagu di kfebem dad flayam ani.

Dyém 2:9

Kabay ku malék gamu to nafèyu, gamsalà gamu, du fagu di klafàyu i flalò Dwata ani gablà gamu fanlayam.

Roma 2:5

Kabay du too mgal i uluyu, na là gamu mayè msal na tmagak i dad sasè nimòyu, tabalingyu tananù i flayam gdawatyu di duh kfite Dwata i kaflabean na i katlu kukuman.

Dad Nimò 17:31

Du tamgalékan i duh nukuman i kdee dad to di klamang banwe mdà di matlu kukuman fagu di satu to tamgalékan. Na fiten i kaglut ani di kdee dad to fagu di ktékan i to ani mdà di fati.” Én man Fol di dale.

I Fye Tulen gablà ku Dyisas Krayst i Sulat Luk 7:29

Na i dad to flinge ku Dyan, balù i dad sasè to gal mwè bayad buhis, ale i mimen i knayè Dwata na bnunyag ale Dyan du nilèla glut i man Dwata fagu di ku Dyan gablà di dale.

Dyénésis 9:6

Dad to mgimò Dwata salngad i kenen kagkah, taman i to manò i dademen to kenen fnati.

Tafite 19:11

Na kafnge én, teengu i langit malwa, na déén di munagu nun bukay kudà na i dagit i to smakay i kudà ani, dunan Gsalig na Glut, na too matlu i kukuman na keben i kasfati.

Dyém 2:11

Du Dwata i mangman, “Nang gamu mlafà yaanyu,” na lê kenen i mangman, “Nang gamu manò.” Taman balù là gamu mlafà i yaanyu, bay manò gamu to, taglafàyu i flalò Dwata na gamsalà gamu.