Salmo 5:4 - Blaan Sarangani

⁴ Gadègu ge i Dwata landè ayè i sasè nimò, na laam faloh ku nun sasè to mnè di safédam.

Salmo 5:4 Referans Kwoze

Salmo 11:5

Tnandak i Amugu Dwata dad to matlu na i dad to sasè, bay dad to sasè na dad to too mayè smamuk i dademela to knangan ale nawa.

Hibru 12:14

Sansatuyu nawayu, du fye nun ktanak nawa i kat man satu gamu, na fatluyu i ktoyu, du ku là ito matlu là ito kadang mite Dwata.

Tafite 21:27

Kabay landè sasè fakay gfusuk déén ku demen i dad to mimò i dad magagyà nimò demen tmulen kéng, là ale gfusuk. Alò fakay gfusuk i dad to tagsulat dagitla di libru i Tingà Bilibili i gusmulat dagit i kdee dad to gamfun nawa landè sen.

2 Fiter 3:13

Kabay gito, én tooito fatan i fakang Dwata, dunan falami langit na falami tanà gumnè i dad to matlu.

Tafite 21:23

Na landè gukmamu i kneng i duh na i bulen di syudad én, du i tmuyal di syudad i bong kneng Dwata na i Tingà Bilibili kenen i salò.

Dyan 14:23

Na tmimel Dyisas, manan, “Nè i to kambong nawa deg, nimenan i dad tdògu, na bong nawa Màgu kenen, na lwe gami Mà mnè di kenen.

Salmo 63:2

Tagafdadong agu di ge déén di Bong Gumneam, na tateengu i bong enegam na kafyem.