Salmo 5:12 - Blaan Sarangani

¹² E Amugu Dwata, ge i mlé kafye di dad to matlu, na i kakdom smafang dale gambet i klung.

Salmo 5:12 Referans Kwoze

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Salmo 32:10

Én fatan i dad to gal mimò sasè i dee kaflayamla, bay i bong kakdo Dwata landè kgilin kamlung i dad to smalig di kenen.

Salmo 115:13

Banlén kafye i dad to nun klikò di kenen, i dad to mdatah na dad to mdanà, salngad i kablén kafye di dale.

Salmo 32:7

E Dwata, ge i gusalbunigu; ge i smafang deg di dad sasè, taman too agu mlingag i kafalwaam deg mdà di salà.

Salmo 3:3

Kabay ge, Amugu Dwata, ge i klung di glibutgu; ge i fulê i dengeggu, na ge fulê i kgal nawagu.

Salmo 3:8

I kagalwà mdà alò di Amuito Dwata. Banlém moon kafye i dad tom.

Salmo 118:15

Fadé fanlingeyu i kit dad to Dwata déén di slungla du lehew ale mdà di katula, manla, “Én bong ktulus Amuito Dwata i gamgimò ani!

Salmo 119:132

Begam agu fanduf na kandom agu, salngad i mgimoam di kdee to kambong ge nawa.