Salmo 46:1 - Blaan Sarangani

¹ Dwata i guflidungito na gumdà galito; faflal kenen tmabeng gito di kakel i samuk.

Salmo 46:1 Referans Kwoze

Salmo 9:9

I Amugu Dwata i gumila dad to mabkut, na di bang i samuk, kenen guflidungla.

Dad Fngewe 18:10

Dwata salngad i bong mgal gumnè i gal gumila i dad to matlu, du fye giwas ale di sasè.

Salmo 46:11

Amuito Dwata, i gumdatah i kdee di tah langit na tanà, dini kenen du nsenan ito; i Dwata gusmalig i gutambulito Dyékob i guflidungito.

Dad Fngewe 14:26

I klikò di Dwata gamlé di to ksalig, na kamlung i dad ngaan.

Hibru 6:18

I fakang Dwata na safaan là sa mgili, du Dwata là sa gamtulen kakakéng. Taman gito dad tasalu di Dwata, du flidung ito di kenen, tatoo nun ayè nawaito tmayud fatan i kdee fye tafakangan di gito.

Dyénésis 22:14

Dnagit Abraham i banwe atù na i gumtatek i dagitan dun, dunan, “Dwata i Amu sa Mlé”. Na balù di bang ani, nun mangman, “Di bulul Dwata, Dwata sa mlé.”

Salmo 46:7

Amuito Dwata, i gumdatah i kdee di tah langit na tanà, dini kenen du nsenan ito; i Dwata gusmalig i gutambulito Dyékob i guflidungito.

Salmo 14:6

Kayèla snamuk i fan nimò dad to landè, bay Dwata sa guflidung i dad mdanà to.

I Fye Tulen gablà ku Dyisas Krayst i Sulat Luk 13:34

Na too mlidù nawa Dyisas gablà di dad to di Dyérusalém, na manan, “E gamu dad to di Dyérusalém, gamu dad to mati i dad tugad Dwata, na tmudà batu kel di kfati i dad saligan dekan di gamu! Tadee dulêgu mayè samtifun gamu di ifatgu gambet i anuk mliton santifunan i dad unsuyan di dungan fafakan, bay là gamu mayè.

Salmo 84:1

E Amugu Dwata, gumdatah i kdee di tah langit na tanà, too bong nawagu i Bong Gumneam.

Salmo 87:1

Fimò Dwata i syudadan di kenen bulul,

Salmo 42:1

Gambet i kalinum i uhe i yéél maloh, salngad ani i kalinumgu ge Dwata.