Salmo 4:4 - Blaan Sarangani

⁴ Gablà moon ku nun klikòyu na nang gamu fadlug mimò sasè. Too gamu fanak na fandamyu ani, balù fa déén di gumilèyu.

Salmo 4:4 Referans Kwoze

Ifisus 4:26

Ku nun guflabèyu, too gamu fgeye du fye là gamu gamsalà, na tooyu gasil nlifet i kaflabèyu di là fa sdaf i duh,

Dad Fngewe 3:7

Nangam fandam ku too ge fulung, bay toom kanlikò Dwata, na knangam i kdee sasè.

Salmo 63:6

Di kilègu faldam agu ge; tayud i butang ge i fandamgu.

Salmo 46:10

Man Dwata, “Fanak gamu, fye gadèyu agu sa Dwata, agu i gumdatah i dad banwe; na i dad to di klamang banwe, fdatahla agu.”

2 Korintu 13:5

Tooyu neye i nawayu ku glut too gamu faglut di ku Dyisas Krayst ku là. Snalekyu i ktoyu ku déén Dyisas di nawayu, du ku là déén Dyisas di nawayu ise gamu dad to faglut di kenen.

Salmo 33:8

Kdeeito dad to di tah tanà, fdanà ito moon di Amuito Dwata, na kanlikoito i bong glalan,

Dad Fngewe 16:6

Ku ge satu to too gsalig Dwata na nun kakdom kenen, nlifetan i salaam, na ku nun klikoam di Dwata niwasam i sasè.

Dad Fngewe 16:17

I to fye mlalò i dalan mawag di ksasè, na i to too fgeye ku tanè i gusalun, landè gaslokan.

Salmo 3:4

Tafalbonggu i katlogu di Amugu Dwata du ftabeng agu di kenen, na fanlingen agu mdà di bulul gumnean.

Salmo 2:11

Fgal gamu mimò i knayè Dwata i Amu, na kanlikòyu kenen.

Salmo 3:2

Dee mangman gablà di deg, “Là kenen tnabeng Dwata.”