Salmo 4:1 - Blaan Sarangani

¹ E Dwata, i msen deg di katlu nimògu, tnabengam agu di katlogu ge. Ge i gal falwà deg di kaflayamgu, taman begam agu kando na fanlingem i dasalgu.

Salmo 4:1 Referans Kwoze

2 Korintu 1:10

Kenen sa i tagafalwà gami, na là gami mati. Taman ani duenan too gami smalig di kenen, du gadèmi ku nun gnagumi lêman i bong kaflayam lêmanan gami falwà.

Salmo 119:132

Begam agu fanduf na kandom agu, salngad i mgimoam di kdee to kambong ge nawa.

Salmo 22:1

E Dwatagu, Dwatagu, tan duenam tmagak deg? Too agu ftabeng ge moon bay laam linge i dalonggu, na laam agu tnabeng.

2 Korintu 1:8

Dad flanekgu faglut, fye gadèyu gablà di kaflayammi ditù di banwe Asya. Too landè guflingengu i kaflayam i gnagumi, du man nawami talà gami gamtayud na mati gami.

1 Korintu 1:30

Du gito dad faglut tamasasatu ito di ku Dyisas mdà di knayè Dwata. Na fagu di ku Krayst Dyisas, blé Dwata di gito i kfulungan faldam, katluito di kiten, kafbalingan ito dad ton landè gbol di nawaito, na nsoan ito mdà di kgikatito di salà.

Salmo 67:1

E Dwata, kandom gami, na blém di gami kafye; toom fite i klehewam gami;

Salmo 42:1

Gambet i kalinum i uhe i yéél maloh, salngad ani i kalinumgu ge Dwata.

Salmo 24:5

I to gambet ani banlé i Amuito Dwata kafye, na dnagitan kenen matlu to, du Dwata i mlé kenen kagalwà.

Salmo 11:7

Du i Amugu Dwata too matlu na én kayean i matlu nimò, taman dad to matlu mite kenen kadang.

Salmo 116:16

E Amugu Dwata, blégu i ktogu di nimoam, hae, blégu i ktogu di nimoam salngad di nimò yêgu, du tafalwaam agu di fati.

Salmo 116:6

I Amugu Dwata kamlung i dad to là gmagan mifat i ktola; du di fan agu mati, kenen i falwà deg.

Salmo 6:1

E Amugu Dwata, nangam agu nngak fagu di sasè kalbutam; nangam agu fanlayam di slà too minit i kaflabeam.