Salmo 34:4 - Blaan Sarangani

⁴ Dmasal agu di Amugu Dwata na tnimelan i dasalgu, na nwean kdee klikògu.

Salmo 34:4 Referans Kwoze

Matyu 7:7

“Mni gamu di Dwata, na banlén gamu, mngabal gamu na fiten di gamu i fanngabalyu, na mbal gamu fusuk na lanwan di gamu i takab.

2 Timoti 1:7

Du là blé Dwata di gite Tulusan, du fye likò ite i dad to, bay én baling blé Tulusan di gite kgal nawa tmulen i kaglut, kakdo i deme to, na kagadnan i ktota.

Dyona 2:2

manan, “Di lam i bong kaflayamgu tamlo agu ge, Dwata i Amu na tatnimelam agu. Na mdà di gumnè i dad to mati tamlo agu ge du ftabeng, na tafanlingem agu.

Hibru 5:7

Di knè fa Dyisas dini di tah tanà, too dmasal di Dwata, na too mlanu, na tamdak i lwakan di laman dmasal, du alò Dwata gmagan falwà kenen mdà di fatin. Na du toon fdanà i kton di knayè Dwata, linge Dwata i dasalan.

I Fye Tulen gablà ku Dyisas Krayst i Sulat Luk 11:9

“Taman mangu di gamu, mni gamu di Dwata, na banlén gamu, mngabal gamu na fiten di gamu i fanngabalyu, na mbal gamu fusuk na lanwan di gamu i takab.

Salmo 22:24

Hae, du laan tì tnagak i to maflayam, na laan fbayà di kaflayaman. Laan kenen knagol, bay galan kenen fanlinge ku tamlo du ftabeng di kenen.”

Salmo 46:2

Én duenito là likò balù fa too mingok i tanà, na mtubak i dad bulul ditù di gumngalam i mahin.

Salmo 40:17

Kabay deg, landè galgu na landè gumwègu di klandègu, bay i Amugu Dwata, là mlifet deg. Dwatagu, ge alò i tmabeng deg na falwà deg mdà di sasè kagkahgu; begam agu gasil tnabeng.