Salmo 32:11 - Blaan Sarangani

¹¹ Taman gamu dad to matlu, too gamu flehew mdà di kdee mgimò Dwata di gamu; na mkit gamu di bong klehewyu gamu dad mimen kenen.

Salmo 32:11 Referans Kwoze

Filifos 4:4

Too gamu fadlug flehew, mdà di ksasatuyu di Amuito Krayst Dyisas. Na lêgu nulit man, too gamu flehew.

Salmo 5:11

Kabay kdee dad to smalig di ge, banlém ale klehew, fye too ale gal mlingag di klehewla. Kanlungam ale, fye lehew di ge i dad to ani i mbong nawa ge.

Salmo 33:1

Flehew gamu di kafye Amuito Dwata, kdeeyu dad to matlu! Én gablà nimò dad to mimen Dwata, dunan dmayen kenen.

Filifos 3:3

Kabay gito nun too glut ilè gito dad ngà Dwata, du mangamfù ito di Dwata fagu di Tulusan, na flehew ito mdà di ksasatuito di ku Krayst Dyisas. Na ise ito dad to i smalig di kaftulì i gafalwà gito.

Filifos 3:1

Na dad flanekgu faglut, ani fa kayègu man di gamu. Too gamu flehew di ksasatuyu di Amuito Dyisas Krayst. Là agu gdè samsulit di gamu i sulatgu di gamu di muna, du én kamlung gamu di dad ise glut tdò.

Roma 5:11

Là alò ani, bay nun klehewito, du mdà di kakdo Dwata gito i fiten fagu di Amuito Dyisas Krayst i tamebe gito di kasafyeito di Dwata.

Salmo 32:2

Too nun kafye i to là nukum Dwata mdà di salaan, i to là muni ku nun salaan.

Salmo 7:10

I kamlung deg, dunan Dwata Too Mdatah, i falwà dad to matlu nawala.