Salmo 3:5 - Blaan Sarangani

⁵ Taman fakay agu milè na kudang na là agu likò; mukat agu na landè gaslokgu, du i Amugu Dwata i munung deg.

Salmo 3:5 Referans Kwoze

Salmo 4:8

Milè agu na kudang na too nun ktanak nawagu. Amugu Dwata, mdà di ge alò landè sasè mkel di deg.

Dad Fngewe 3:24

Di kileam, too fye kakudangam, na landè gamlikò ge.

Dad Fngewe 18:10

Dwata salngad i bong mgal gumnè i gal gumila i dad to matlu, du fye giwas ale di sasè.

Salmo 127:2

Na balù i ktékyu too flafus na i kléétyu milè di butang, du fgal gamu meye i klidùyu, landè gukelan galwà di tabeng i Amuito Dwata, du kenen sa i mlé klidù i dad to kandon, na i fye kakudangla.

Dad Fngewe 14:26

I klikò di Dwata gamlé di to ksalig, na kamlung i dad ngaan.

Dad Nimò 12:6

Na di butang di fan nebe Hérod kenen di gumukuman di tmadol flafus, kudang Fiter di bleng i lwe to mantay kenen, na nun lwe sangkalì ikatla kenen. Na nun fa dademe dad to gal mantay di bà gufusuk i bilanggù.

Salmo 34:5

Dad to ftabeng di Dwata too mlaan i bawehla, na landè gumadlàla.