Salmo 3:3 - Blaan Sarangani

³ Kabay ge, Amugu Dwata, ge i klung di glibutgu; ge i fulê i dengeggu, na ge fulê i kgal nawagu.

Salmo 3:3 Referans Kwoze

Salmo 27:6

Fdatahan agu na là gnumah agu i dad to dmuen samlibut di deg, én duengu too mkit di klehewgu; na blégu i dsùgu di Amugu Dwata di Bong Gumnean, na mlingag agu dmayen kenen.

Dyénésis 15:1

Kafnge én, nun kanteen Abram na lingen Dwata i Amu talù di kenen, manan, “E Abram, nang ge likò, du agu sa i klungam i kamlung ge, na agu gumdà i too glut untungam.”

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Tafite 21:23

Na landè gukmamu i kneng i duh na i bulen di syudad én, du i tmuyal di syudad i bong kneng Dwata na i Tingà Bilibili kenen i salò.

Salmo 110:7

Na kafnge én, minum i harì di yéél di kilil i dalan, na kanto nun galan, tadag kenen du tamatu kenen di kasfati.

Salmo 4:3

Fandamyu ani, i to mimen knayè i Amun Dwata, mgalékan du nun gukmamun dun, taman fanlinge Dwata i katlogu kenen.

Tafite 21:11

Na too samlinang du mdà di bong kneng i kdatah Dwata. Samlinang gambet kneng i satu too mabtas batu dnagit dyasfér, na too mtiu knengan.

I Fye Tulen gablà ku Dyisas Krayst i Sulat Luk 2:32

Kenen gambet salò lamwa i kaglabat dad ise Dyu, na gumdà i kdatah i dad tom, gami dad bel Israél.”

Dyénésis 40:13

Du kubu kadang i tlu duh, fatlo ge Faraon, na nlifetan i salaam, falwaan ge di bilanggù, na fasfuléan ge di tagnè nimoam. Lêman ge mebe i binu di kenen.