Salmo 27:1 - Blaan Sarangani

¹ Amugu Dwata i gumdà nawagu, na kenen i falwà deg mdà di kdee sasè, taman là agu likò. I Amugu Dwata i too kamlung deg, taman simto dé kanlikògu? Landè!

Salmo 27:1 Referans Kwoze

Hibru 13:6

Na taman, too nun ksaligito di Dwata na fakayito man, “Dwata i tmabeng deg, taman là agu likò, du landè gagan i dad to nimò di deg.”

Salmo 118:6

Taman du Amugu Dwata msen deg, là agu likò; du landè gagan i dad to nimò di deg.

Éksodus 15:2

Dwata i Amu, i gumlingaggu na gumdà i galgu. Kenen i falwà deg di dad to dmuen deg. Kenen i Dwatagu, taman, dnayengu kenen. Kenen i Dwata fnangamfù dad gutambulgu, taman, dnayengu i kdatahan.

2 Korintu 12:9

Kabay ani timelan deg, manan, “Too sikof i tabengta ge, du ku mnè ge di klungay, én gumite i dad to i kgalgu.” Taman too agu lehew fdag i gumlungaygu, du di klungaygu lyalogu i kgal Krayst Dyisas tmabeng deg.

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Roma 8:31

Ku fandamito gablà di kdee ani gine, gadeito ku Dwata msen gito, landè gmagan misan gito.

Dyan 8:12

Na lêman talù Dyisas, manan, “Agu i salò lamwa i fandam dad to di tah tanà. Balù simto dad to mlalò deg là nan magu di gukmifu du nun mneng di dale gumdà falami nawa.”

Filifos 4:13

Du balù tan i mkel di deg di kdee dad gnagugu, gmagan agu dmawat dun, du Krayst Dyisas i tamgal deg.

Salmo 118:21

Mlé agu bong fye di ge, Amugu Dwata, du tatnimelam agu, na fatum agu.

Salmo 19:14

Amugu Dwata, kayègu ku kdee talùgu na kdee fandamgu slame fye di ge, du ge gambet i batu guflidunggu, na ge i msò deg di salàgu.

Tafite 21:23

Na landè gukmamu i kneng i duh na i bulen di syudad én, du i tmuyal di syudad i bong kneng Dwata na i Tingà Bilibili kenen i salò.

Tafite 22:5

Na di bang én, talandè kifu. Na landè gukmamu i salò ku demen kneng i duh, du Amuito Dwata mgimò salòla. Na i kagotla magin di Dwata kel di landè sen.

Dyan 1:9

Hae, du én i bang kakel i too glut salò tmuyal di kdee dad to dini di tah tanà.

Tafite 7:10

Na toola falbong i talùla, na manla, “Dnayenmi Dwatami, i sudeng di gusudeng i gumdatah, na i Tingà Bilibili du di dale gumdà i kagalwàmi.”

I Fye Tulen gablà ku Dyisas Krayst i Sulat Luk 2:30

du tateen nan i matagu i kagalwà tagaan di kite i kdee dad to.

Salmo 11:1

Amugu Dwata alò i guflidunggu ku kel i samuk, na kan ku manyu di deg, “Mila ge gambet i anuk mayeng ditù di dad bulul,

Salmo 3:8

I kagalwà mdà alò di Amuito Dwata. Banlém moon kafye i dad tom.

I Fye Tulen gablà ku Dyisas Krayst i Sulat Luk 3:6

Na teen i kdee dad to i dalan kagalwà blé Dwata di dad to.’ ”

Matyu 8:26

Na man Dyisas, “Kan ku likò gamu? Tukay kadì i ksaligyu.” Na tadag kenen na nngakan i nus na dad lwek, na mbaling too lanél i lanaw.

Salmo 43:2

Alò ge, Dwata, i guflidunggu; na kan ku knagolam agu? Kan ku tmayud agu fa di kafsasè i dad to dmuen deg?