Salmo 23:3 - Blaan Sarangani

³ Kenen i tamgal deg di klungaygu, na galan agu nalak di matlu dalan, du fye mgafè i dagitan.

Salmo 23:3 Referans Kwoze

Salmo 19:7

I dad flalò i Amuito Dwata too sikof, na too gatgal nawa i dad to. I gman Amuito Dwata too gsalig, na gamlé kfulung faldam balù di dad to landè gnadè.

Salmo 51:10

Blém deg i falami nawa too mlaneb, na fneam déén i kagsalig.

Salmo 5:8

Amugu Dwata, begam agu nalak di matlu nimò salngad ge, du fye là agu fisan di dad dmuen deg. Tdoam deg ku tan i dalan knayeam gumagugu.

Salmo 51:12

Kabay fuléam di deg i klehew i to gmadè tagalwà kenen di agot i sasè, na banlém agu ayè mimen ge.

Dad Fngewe 8:20

Magu agu di dalan matlu, na lalògu i matlu nimò.

Tafite 3:19

Nngakgu na bnadasgu i kdee dad to kanbonggu nawa, du fye matdò. Taman tooyu finit i kafaglutyu, na knagolyu i sasè nimòyu.

Dad Fngewe 4:11

Tagatdògu di ge i kfulung, na agu malak ge di matlu dalan.

Ifisus 1:6

Na dnayenito Dwata, du too bong kafyen blén di gito fagu di ku Dyisas i Tingaan toon kanbong nawa.

Salmo 34:3

Magin gamu deg di kafdatahgu i Amuito Dwata; sasatu ito dmayen i dagitan.