23 Mangu di dale, “Kdeeyu nun klikò di Amuito Dwata, dnayenyu kenen. Fdatahyu kenen, gamu bel Dyékob; nafèyu kenen, gamu bel Israél.
E Amumi, kdee dad to mafè ge, na dmayen na fdatah ge, du ge alò i too mtiu du landè salaam. Kdee dad to di kdee banwe salu ale kadang di ge, na mangamfù ale di munam, du tateenla i kdee dad nimoam too matlu.”
Fiten i kakdon di kdee dad to nun klikò di kenen, fandà di muna dad to, kel di kdee tugad i bella.
Kdeeyu dad to nun klikò di Dwata, smalig gamu di kenen, du kenen alò i gamtabeng na kamlung gamu.
Na ani timelgu di manan én, balù tan i nimòyu, kmaan ku demen minum, fye magdayen Dwata fagu di nimòyu.
Na samfulê i dad gal mifat bilibili, na too ale dmayen Dwata mdà di kdee lingela na tateenla, du gdohò i kdee gman dad kasaligan di dale.
Banlén kafye i dad to nun klikò di kenen, i dad to mdatah na dad to mdanà, salngad i kablén kafye di dale.
Kdeeito dad to di tah tanà, fdanà ito moon di Amuito Dwata, na kanlikoito i bong glalan,
Na i belito fa mamu ale kadang di Dwata; i dad tuala samtugad i tulen di dad ngàla i kafye mgimoan.