Salmo 19:9 - Blaan Sarangani

⁹ I klikoito di Amuito Dwata too fye, na là tlag kel di landè sen. I kukuman too glut, na too gablà kafsalaan i dad to nukuman.

Salmo 19:9 Referans Kwoze

Salmo 119:142

I katlum, Dwata, landè gusenan, na too glut i flaloam.

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

Salmo 115:13

Banlén kafye i dad to nun klikò di kenen, i dad to mdatah na dad to mdanà, salngad i kablén kafye di dale.

Dyénésis 42:18

Di kakubu tlu duh man Dyosif di dale, “Too nun klikògu i Dwata, taman là gamu sa fnati ku nimenyu i mangu.

Tafite 19:2

I kukuman too glut na too matlu. Tafanlayaman i libun mkat lagi, du falmon i dad to di tah tanà fagu di too sasè knayè i lawehan. Na tagbalas Dwata litè i dad saligan tafnati i libun ani.”

Tafite 16:7

Kafnge én, nun lingegu tmimel mdà di gudamsù, manan, “Hae, Amumi Dwata Too Mtulus, too glut na matlu i dad kukumam.”

Salmo 119:106

Too matlu i dad flaloam; tamakang agu mimen dun, na toogu dnohò i fakanggu.

Salmo 10:5

Too nun galan lubay di dad nimoan, na i kukum Dwata kenen kadang mawag di fandaman; na i dee to dmuen kenen laan tatì kah di nawan.

Dyénésis 22:12

Man i kasaligan, “Nangam fanles fnati i tingaam. Ani nan, gadègu too sikof i kimenam Dwata, du balù fa Isaak i sen tingaam di ku Sara, fanam blé di deg.”

Roma 11:22

Na ani i gugmadeito i kakdo Dwata na i duenan mlayam i dad to. Fanlayaman i dad to là faglut di kenen, bay gamu dad faglut kandon ku fadlug gamu faglut na mnè di kakdon. Du ku là gamu fadlug faglut, gamu fa kanlangan di kayu.

Dad Nimò 10:22

Na tmimel ale, manla, “I gufdumi di ku Kornilyus i kafitan i dad sundalu. Kenen to too matlu, na toon nafè Dwata, na too kenen nafè i kdee dad Dyu. Dek kenen i satu kasaligan mdà di Dwata fngé ge, du fye salu ge di gumnean, du fye lingen i kayeam man di kenen.”

Dad Fngewe 8:13

I to nun klikoan di Dwata, knangan i sasè. Na agu kfulung, mnang agu i kafdatah, i kafdag, i sasè nimò, na i kakakéng.

Salmo 12:7

Amugu Dwata, begam gami nifat, na kanlungam gami di dad to sasè di bang ani na kel di landè sen,

Salmo 119:111

Du i dad gmanam dnawatgu, na làgu tnagak kel di landè gusenan, du ani klehew i nawagu.