Salmo 19:11 - Blaan Sarangani

¹¹ Amugu Dwata, matdò i saligam fagu di dad tnaluam, na nun bong untung i dad to mimen dun.

Salmo 19:11 Referans Kwoze

2 Dyan 1:8

Taman too gamu fgeye, du fye là baling lana di gamu i untungyu di nimòyu, bay gdawatyu i kdee kayè Dwata blè di gamu.

Dyém 1:25

Kabay nun kafye i kdee nimò i to too meye di Tnalù Dwata, na mimen i knayè Dwata déén na fadlug meye dun na là gamlifet i lingen, bay fkahan di nawan, du too sikof i knayè Dwata di Tnaluan na gafalwaan dad to di dad salàla.

Dad Fngewe 29:18

I dad to là flinge Tnalù Dwata sasè, du tatìla nimò i knayèla du landè malak dale, bay i dad to mimen i tdò Dwata nun kafyela.

Matyu 6:4

du fye gbuni i kabléyu, na i Màyu di langit i mite kdee nimòyu di gugbunin, kenen sa i mlé gamu untung.”

Tafite 14:13

Kafnge én, lingegu i talù mdà di langit, manan, “Sulatam ani. Tambù di duh ani, too nun kafye i dad to mati mdà di ksasatula di Amula Dyisas.” Na talù i Tulus Dwata, manan, “Too glut ani. Too nun kafye, du gaftud ale di dad nimòla, na gamdawat ale kadang i untung mdà di dad fye nimòla.”

Hibru 11:26

Taman én fandaman balù maflayam kenen di ksilo i dad to, mdatah fa di kenen i kafaglutan di To Mgalék Dwata di kdee knun di banwe Idyif, du i fatanan i untung gdawatan di fulé duh.

1 Tésalonika 5:14

Dad flanekgu faglut, ani fa toomi fni di gamu, tooyu tnalù i dad to là mayè mimò, tangalyu i dad to msamuk nawala, tnabengyu dad to mlungay di kafaglutla, na tooyu fantahà nawayu di kdee dad to.

Matyu 3:7

Kabay di kiten nun dee dad to mdà di lwe bung fnaglut i dad Dyu dnagit Farisi na Sadusi fdadong di kenen du fan fbunyag, manan di dale, “Tay gamu! Salngad gamu i dad ulad mila mdà di lifoh. Simto kè tmulen gamu galwà gamu di flayam blé Dwata ku alò gamu fbunyag?

1 Korintu 4:14

Na dad flanekgu faglut, ise ku én duengu smulat ani ku fyàta gamu, bay fye ku tdòta gamu, du gamu gambet i dad ngàgu toogu kando.

Dad Nimò 20:31

Taman too gamu fgeye, na nangyu glifet i tlu fali klogu tamdò gamu di mduh na kifu, gagin i lwakgu maloh.

Matyu 6:18

du fye landè dad to dmilè i kafwasayu. Na i Màyu di langit i là teen mite i kdee nimòyu di gugbunin, na kenen i mlé gamu untung.”

Dad Fngewe 11:18

I sasè to, landè fye untungan, bay i matlu to, nun fye untung toon gdawat.

Matyu 6:6

Kabay gamu, ku dmasal gamu fusuk gamu di sibayyu na tnakabyu, na dmasal gamu di Màyu i là teen. Na i Màyu mite kdee nimòyu di gugbunin, kenen sa i mlé gamu untung.

Salmo 119:103

Too fye di deg i dad fakangam, fye fa di kafye nem i tnab too mi.

Dad Fngewe 24:14

Na too fye nem i tnab di baam, salngad i kafye i kfulung di nawam, taman toom fkah di nawam kfulung, du nun kadang gufyem di satu duh, na gdohò i kafye i galam fatan.