Salmo 15:1 - Blaan Sarangani

¹ E Amugu Dwata, simto gablà mnè di Bong Gumneam? Simto gablà mnè di bulul gumneam?

Salmo 15:1 Referans Kwoze

Salmo 84:4

Na too nun kafye i dad to mnè di Bong Gumneam; too ale gal mlingag du dmayen ge.

Salmo 23:6

Amugu Dwata, gadègu là tlag i kafyem na i kakdom deg di klogu mto, na mnè agu kadang di safédam kel di landè sen.

Hibru 12:22

Kabay baling i gufdadongito di Dwata mahal di dad bel Israél, du ani i gufdadongito di bulul Sion di banwe Dwata i too mto, dunan Dyérusalém di langit, i gustifun i dad dee libu kasaligan Dwata too lehew.

Dyan 17:24

“Mà, i dad to gablém deg, kayègu ku mnè ale di safédgu di gumnègu kadang, du fye teenla kdatah tagablém di deg di là fa mgimò i banwe, du mdà di kbong nawam deg.

Salmo 3:4

Tafalbonggu i katlogu di Amugu Dwata du ftabeng agu di kenen, na fanlingen agu mdà di bulul gumnean.

Salmo 2:6

Man Dwata, “Ditù gufnègu i harì mgalékgu di deg bulul, dunan Sion.”

Tafite 14:1

Kafnge én, teengu i bulul Sion, na tadag ditù i Tingà Bilibili na nun magin di kenen mlatu fat falò fat libu dad to. Na kat satu dale nun gsulat di angasla dagit Tingà Bilibili na i dagit Maan Dwata.

Dyan 14:3

Na di kafngegu fatlagad i gumnèyu ditù lêmanta gamu sanfulê du nebeta gamu ditù di gumnègu, du fye balù nè gumnègu lê gamu ditù.