Salmo 14:1 - Blaan Sarangani

¹ I to ku manan di kton, “Landè Dwata,” too là fulung faldam, kdee fandam i to gambet én slame bigkò, na too sasè na magagyà i dad nimoan, na landè di dad to gambet én mimò fye!

Salmo 14:1 Referans Kwoze

Salmo 10:4

I to sasè, mdà di kafdatahan, laan fduf Dwata, na di fandaman landè Dwata gutmimelan.

Dyénésis 6:5

Na tateen Dwata i too sasè nimò i kdee dad to di tah tanà, na tagadean i kdee fandamla na knayèla slame sasè.

Matyu 12:34

E gamu, gambet gamu ulad du alò sasè i mnè di nawayu. Landè kibòyu talù fye du sasè gamu! Hae, du ku tan i mnè di nawa i satu to, én i lamwà di baan.

I Fye Tulen gablà ku Dyisas Krayst i Sulat Luk 12:20

“Kabay man Dwata di to én, ‘Too kulang i fandamam! Kadang butang ani mati ge, na simto kè mfun i kdee knun tasantifunam? Taise ge.’ ”

Matyu 15:19

Hae, du i nawa gumdà dad sasè fandam gamgebe i to di kbanò, klafà yaan, ksaféd i to ise yaanan, ktaku, ktulen kéng di usay, na ktalù sasè gablà di demen to.

Dad Fngewe 1:7

Silang ge mbaling to nun gnadè, ku funa nun klikoam di Dwata. I dad to là fulung faldam knangla kfulung, na là ale mayè ku nun tamdò dale.

Titus 3:3

Du balù gito di muna, là ito fa glabat i dalan Dwata, na là ito mimen kenen, na gasyat ito di kaglut. Magfasak ito di kdee bung sasè nibalito na knayeito. Na mnè ito di sasè fandam, na di kingà nawa. Na mnang nawa dad to gito, na gito mnang nawa dale.

Ifisus 2:12

Na di bang én, là gamu masasatu di ku Krayst, na là gamu fa gakuf di dad to Dyu mgalék Dwata. Na landè fa alelyu di kafye fakang Dwata di dale. Na landè fa imen nawayu ku nun nawayu landè sen, du làyu fa gadè Dwata.

Dad Fngewe 27:22

Balù fa fakay ndak di sung i to là fulung faldam, knean là magwè di kenen i klandè kfulungan.

Dad Fngewe 1:22

na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?

Tafite 21:8

Kabay i dad to likò mlalò deg na dad to kmagol i kafaglutla di deg, dad to mimò kdee bung sasè nimò, dad to manò, dad to mimen i sasè knayè i lawehla, dad to gal stulen di dad sasè tulus na mimò dad gamtikeng fagu di dale, i dad to mangamfù di dad ise glut dwata, i kdee dad to tmulen kéng, na kdee ani, maflayam ale di lanaw lifoh nbol sandawà dminè. Na ani i galwe fati.”

Titus 1:16

Én manla gmadè ale kun Dwata, bay fagu di nimòla gadeito kéng i manla. Too ale sasè di kite Dwata, na là ale mimen Tnaluan, na là ale gablà mimò balù tan i fye nimò.

Salmo 107:17

Nun dademe mbaling fandas mdà di kgimòla sasè, na maflayam i lawehla mdà di sasè nimòla.

Dad Fngewe 13:19

Ku gdohò i knayè nawam, too ge lehew, na dad to là fulung faldam là mayè tmagak i sasè.