Salmo 119:141 - Blaan Sarangani

¹⁴¹ Balù landè btasgu na nadoy agu fa, knean làgu glifet i dad tdoam.

Salmo 119:141 Referans Kwoze

Salmo 22:6

Kabay agu, salngad agu i safat, ise to, du landè mafè deg, na knang agu nawa i kdee to.

2 Korintu 8:9

Na tagadeito gablà di bong kafye Amuito Dyisas Krayst. Du balù i kdee nfunan ditù di tah langit, knean mbaling kenen to landè, duenan gito du fye fagu di mgimoan ani, mbaling ito dad to nun.

Dyém 2:5

Kabay dad flanekgu kanbonggu nawa, fanlingeyu agu. Là kè glut na i dad to landè di tah tanà i dad mgalék Dwata, du fye nun too glut knunla, dunan i bong kafaglutla di kenen? Na laan ale kè nalék, du fakufan ale di kagotan di fulé duh i fakangan di to mbong nawa kenen? Hae, too glut ani.

I Fye Tulen gablà ku Dyisas Krayst i Sulat Luk 9:58

Na man Dyisas di kenen, “I dad tuyun, nun ilib gumulêla, na dad anuk di bnas, nun fulalla, bay agu, i dnagit Tingà To, balù gumilègu, landè.”

I Fye Tulen gablà ku Dyisas Krayst i Sulat Luk 6:20

Na meye Dyisas di dad to gal mlalò kenen, na manan, “Nun kafyeyu, gamu dad togu landè, du gakuf gamu di kagot Dwata.

Dad Fngewe 16:8

Fye fa ku tukay knunam, syan fagu di matlu i kagweam dun, di bong knunam, bay gweam fagu di klimbung.

Dad Fngewe 15:16

Fye fa i to tukay knunan ku nun klikoan di Dwata, di to nun bong knunan i nun ksamuk.

Dad Fngewe 3:1

Tingàgu, nangam nlifet i tdògu ge, bay toom busek di nawam i dad fngewegu ge.

Salmo 119:109

Balù kilen, gatlagad agu fafati, na làgu glifet dad flaloam,

Salmo 40:17

Kabay deg, landè galgu na landè gumwègu di klandègu, bay i Amugu Dwata, là mlifet deg. Dwatagu, ge alò i tmabeng deg na falwà deg mdà di sasè kagkahgu; begam agu gasil tnabeng.

Dad Fngewe 19:1

Fye fa i to ku landè na matlu nimoan, di to là fulung faldam na tmulen kéng.